NCBCI (National Council of Baptist Churches in India) heutute akipan Baptist leader-te’n Give Centre, 19 Raj Niwas Marg, Civil Lines a kimuhkhawm ni di’a hon seh uh, 08 April 2024 @6.30 PM – 8.30 PM in EBCC Delhi & Central Delhi a kipan Local Pastor 03 (Hau, Mang & Thang) ban ah, Upa Tual Khan Siam, Upa Chinsum leh Upa K Thangzalun-te va tel thei uhi.
A zing, 09 April 2024, Agra hoh zou, nitak a EBCC Delhi Biakinn a Baptist leader-te kikhoppihna neih sawm ni/ hun leh Nipikal Biakna Kikhop neih ni, hun zeksa kiphukha ahihman in EBCC Delhi Biakinn a kikhopna pen EBCC CD a Media Team in videography ban ah la pina lam teng la uhi.
Baptist heutute’n EBCC Delhi/ Central Delhi hong vehna toh kisai leh kithuahkhawmna tomkim anuai ah i taklang hi:
◦ 09 April 2024 sun hun in Taj Mahal, Agra visit uh a, huai hun ah Pastor-te’n leng va kithuahpih in houlimna hun manphatak nei uhi.
◦ Nitak Fellowship hun ah BWA, GS in message manphatak ‘the great Commission (Mathew 28:19) pansan in Khristian tengteng in mohpuakna nei i hihdan hon gen hi.
◦ Dr Vesekhoyi Tetseo, GS, APBF, in Asia Pacific Youth Conference (29 May-01 June, 2024), Melaka Park, Malaysia a om ding ah tuailaite hon sawl un, chi’n chialna hon bawl hi. APBF toh activities tamlou PPT presentation hon bawl ban ah BWA Conference 2025, Brisbane, Australia a om ding toh kisai hon pulak hi.
◦ Rev Nayak, GS, NCBCI in leng Baptist Churches activities saulou in slide show hon bawl hi.
◦ Pastor Dr. Suankhanhau Gualnam in heutute adi’a vualzawl ngetsakna hun zang hi.
◦ Heutu lian 03te nampuan dialbat (traditional muffler) kibaatsak hi.
◦ Nitak-an (Dinner) nek hun ah heutute toh interaction manphatak kinei hi.
◦ BWA GS leh Regional heutu liante’n EBCC Delhi hong phakna masapen uh ahihman in kipahhuai leh saptuam khangthu a ding a chiamteh tham ahihdan heutute toh houlimna ah kigen a, amau leng hampha kisa in tha ngah uhi
◦ EBC Church, indigenous Community church dan a kiphutkhia pen BWA heutute deihsakna tungtawn in BWA membership kingah a, tu’n international level platform khat ahih ban ah Gospel ministry a gamdang apan pawl tuamtuam toh partnership kinei theita hihman in, hamphathuai ahihdan leng houlimna ah kigen hi. Amau leng mailam hun ah pankhawm semsem a lunggulhdan uh hon gen uhi.
◦ Hiai hun ah EBC Delhi Church activities tangpi toh kisai houlimna leng kinei hi. Tu lel in congregation members 3500 vel pha a, Pastor 3 makaihna nuai ah Sunday teng in Worship Service thumvei a kineih ban ah weekday worship service, Sunday service tel lemtang loute focus kawm a kinei zel ahihdan a theih un, hon kipahpih mahmah uhi.
◦ EBC Delhi Church Dwarka Biakinn a facilities tuamtuam omte, viz. Guest Room, Meeting/ Conference room-te mundang apan saptuam member-te zat theih di’a omte hon lunglutpih mahmah uhi. Rev Nayak, GS, NCBCI in May/ June vel in Delhi zin chiang a hiai facility-te hong zat uthuai a sak thu gen hi.
◦ Upa Thangzalun, hiai fellowship hong om theihna di’a panlatu poimohtak ahia, amah hi, networking hoih nei, “One-man Army’ bang ahi a, NCBCI Co-opted member ahih kipahhuai ahihdan leng heutute kiang ah taklat ahi.
◦ Hichi tan hon makaihtu TOUPA ahi. A’ kiang a kipahthu genkawm in, A’ deihlam zong zom zel ni maw. More to come…
