Na hinkhua a na thiltuah neu chikchik hi a na ngaih khawngte ah Toupa’n hon khotuah ban ding in na gingta hia?
Hiai dotna thugen minthang leh kidoupi nihna lai a Germante' concentration camp apan suakta Corrie ten Boom in hibang in na dawng hi:-
Sam 147: 11 ah "Toupa'n amah laute tung ah kipahna a nei zel a, a chitna lamente tung ah" chih i mu hi.
Pathian in i lungkhamnate ei mit apan i muh bang a mu.
Numei naupang khat in a naungek milem hihsekha in khasetak in a nu kiang zuan hi. A nu’n tua naupang kiang ah, huai khawng khemkhem, tawmchik kia man ahi, poi mahmah kei, chi ding in na gingta hia?
Huai chihsan maimah lou in, a tanu’ lungsim natna a theihpih a, a tanu a ding a tua naungek milem pen manpha mahmah ahi chih phawk in a hehnem a, ‘bawl hoih theih di a dia’m I en mah aw le’ chi in nem hi.
Tua nu in a tanu a it man in, a tanu’ thiltuah pen a tanu mit muhna pan in en hi. Leitung a nu-le-pate’n a tate uh a itna sang ua thupizaw in Pathian in eite hon it hi. A itna in ei’ haksatnate Amah mit ah liansak a, tua in ei’ mit ah neusak hi.
Concentration camp a ka thiltuah khat k’on gen ding:
Zingkal khat hitang nasatak nei in ka thoukhia a, ka sanggamnu Betsie kiang ah, “Bangchi di ka di’a aw, romol na ngawn le kinei lou a?” chi in ka dong hi
Ama’n, “thum ni” hon chi a, “Pa, Corrie a hitang a, romol lah a nei kei a. Khat na hon ngaihtuah sak dia’m, Jesu min in, Amen.”
Ka nuihza lua ahihman in ka kidek zou kei hi. Amen a chih khitphet in tohlet a kipan in ka min hong kisam ka za a, ka vanaih hi. Tua ah lawmte khat suangkulh sung a damdawi-inn a sem khat ana om hi.
“Kin aw, kin aw, hiai la zok aw, nang adi’a thilpiak ahi” hon chi hi. A tunna ka phel leh romol khat ana om hi.
“Bang chidana hiai n’ong piak zenzen eita? Hitang ka neih lam hon thei maw?” Chi in ka dong hi.
“Thei lou. Damdawi in a romolte ka khep lai in ka lungtang sung ah aw khat in, “Romol khat Corrie ten Boom vapia in honchi a ahi” chi in hon dawng hi.
I kha hondam ding a Pathian I muanngam ngal leh romol honpe ding a leng muangngam luat ding ahi hi. Tuni in nang bang ‘romol’ na poimoh a? Honpe ding in Pathian a muanhuai hi, A hihtheihna khut hihtom hiam hensak hiam hilou hi.
