Delhi ah VISA
Visa vai toh kisai a, Delhi ah om sung in, nisim Sept 23, 2022 (Friday) in, Visa ngahta ka hih manin Toupa min ka phat ahi. Delhi ah om sung in I Saptuamte deihsakna tang in biakna kikhop hun ah tan mun poimoh taktak hon piak ban uah,
Prayer Cell khawng ah leng vakihel thei in nuam lua, tua kia leng hilou in Saptuam mimal khenkhat in pan pihna tuamtuam honpiak ban ah, ei sawm leng hilou in, mimal khenkhat in lunglutna mun leh etnophuaina mun hondong un, i ut nana hon phakpih lai uh, BDF Delhi te toh bang Agra Tour vapai kha zaw-mah lai; Toupa tung ah kipahthu ka gen ahi.
Delhi - Kolkata – Thailand
Saptuamte thumpihna toh Pathian pi na zaal in Oct. 3, 2022 in Delhi apat Kolkata zuan in, Kolkata Airport ah. Ani nawn zinglam dak 2:00 ngak in, Oct. 4, zinglam dak nih honggin chiang a Thailand lam zuan, Bangkok tawn in, a lengkhe nawn. Huchia, Chiangmai damtak a zinglam dak 9 ginna ding minute 10 vel (8:50 AM) om a tungta. Noute’ thumpihna leh TOUPA tonpihna ziak ahi. TOUPA min ka phat ahi. Amen.
Vaidawnna Hun
Ka tun kaal mah uh Kiginni (8th Oct.) in, heutute bangzahhiam hong paikhawm in vaidawnna program nuamtak hong neihpih ban uah, hiai hun sungin, mahni kipulakna nuamtak leh salam-khalam ah kithuahkhopna hun nuamtak hong zatpih uh, nitaklam ann nekkhopna nei in, hun nuamtak zangkhawm theipah ka hihman un TOUPA min ka phat ahi.
Inn Luah (Inn Thak)
TOUPA’N inn thak hon piak ah nisim Oct.19, 2022 apan om theita (luahta) ka hih man un, TOUPA tung ah kipahthu ka gen ahi. Saptuamte’n n’on na thumpihna ziak uh ahi ka chi a, Saptuamte tung ah leng kipahthu ka hon gen ahi. Salam leh khalam ah Pathian toh kithuahna inn nuam tak a hong hihna ding leh tenna inn siangthou, damtheihna inn, midangte ading a vualzawlna inn a hong hihna ding in leng thumna ah honna lat khiaksak zelzel ding in leng Saptuamte k’on ngen lailai ahi.
Pau Sinna
Ka pau sinna uh sun zom nawn theidekta ka hih man un, TOUPA tungah kipahthu ka gen ahi. Hiai pau sinna challenging mahmah khat ahihna ah, ahaksa-anuam ah kuhkaltak a ka pan trantran theihna ding un ah pau sinna vai leng thumna ah hon na phawk zel un chi in Saptuamte ka hon ngen ahi.
LUNGDAM
