Mihing I hihna ah lungkhamna, kingaihsiatna leh mial a om kisakna omthei lua ahi. Hichibang hun na tuahkhak leh, nangkia’n sual/puak sawm hetke’n. Laisiangthou ah bang I mu a? “Ginna kidouna hoihsual inla, Khantawn hinna tuh lenchinten in. Huai tang dinga sap nahi hi, theihpih tamtakte mitmuh in gupna hoih tuh na gumta hi” (1 Tim. 6:12).Tulai,lockdown ziak in sepna & zirna munte ah haksatna leh lungkiakna nei hunkhopom theihahi.Hiai in, mihing hinkhua susia in I thilhihleh khawvel a thil omdangtetanpha omzeneilou bangin hon musak thei hi. Beidong-tongkhong kisakhun a theih di’a hoih tamlou taklang ni:-
1. Pathian in hichibanga honbawl kipahthu gen di tampi nei nahi. Na tunga TOUPA’hoihnate gelhkhe zel in.
2. It a om nahi - Pathian in miteng ‘lungphu’ kibang A pia, nang lungphu le tuam tuanlou ahi.
3. Midang tawh kithuzak a kipolh di, na lungsim hon thathousak thei mitetawh hikhol diak hen.
4. Ihmut hunbiik, bikhiah deuh neih di - atamlua/ tawmlua(hoihlouhna neituak)khensiam di.
5. Taksa sawizoina (exercise) kar khat a ni 3-5, minit30 sungbek laak teitei di; hiai in na ngaihtuahna lompai kikhengsak thei ahi.
6. Nek-le-tak tungtang le pilvan di. A thau tamlua (oily) te leh caffeine, junk food & energy drinks chihte hahbawl louh di. Tui siangthou tamtheilam dawn zawk di.
7. Khawvak, nisa nuai a om/ kihaizelzel di. Hiai in na lungputdannasapi’n hon panpihding (helps to regulate your mood).
8. ‘I’ chihdan (How to say ‘no’) bangle siam sawm di, ahuchih keileh thil hoih leh hoihlou gamgi khenngaih hun in haksa viau thei.
9. Na hinkhua-a na totkhaksakipah hunte (happy memory) mitsisa inngaihtuah diaudiau zel in.
Tuni A Kingaisia Kuahiam I Omleh, Theih Di’a Poimawh Mahmahte:-
1. Nang kia-a om hilou nahi, na nu-le-pa, u-le-nau leh saptuam mite nang adi’a mansagige kahi uh.
2. Tu-le-tu, tu mahmah a k’on panpih thei na’ng uh a omleh, kisuanglah lou inhon thuzak pah in.
3. Na haksatna geihhon theihpih kei mahle ung, hon itlua, hon panpih ut lua ka hi uh;hon genin.
4. Manpha lua nahiaw -Na hinna pennang hon Siamtupa, leh koute adi’n manpha mahmah hi.
5. Pathian in nang leh kei ahon it ziak a, A’ thupina tengteng nusia a lungkhamna sing KROS a nangleh keitang a hongsi ahi chih phawk inla, Khalam dinmun kichiantak na neih naikeileh kiveelthak in.
Solomon in, “Mi lungtang gikna in a kuunsak a, himahleh Thu hoih in a kipaksak hi” a chi (Pau. 12:25). Thu hoih i chih zaw Khalam Thu (Laisiangthou Thu) ahi. Sawltaklian Paul inEphesate 5:19ah Phatna laate, Pathian laate leh Khalam laate a kihoupih, banah lungtang a ging kilawm bawl a laa sa di’neite ahon sinsak hi. Simtute tengteng Toupa’n hon vualzawl hen!@
*Heutunu’n August 2003 apan in Staff Nurse seem pana, tu in Senior Nursing Officer (SNO) dinmun piak a omta in, CTVS department (AIIMS) ah duty lel hi. TOUPA ei di’n hoihna e
