Hihna Kibang lou, Sep leh bawl le tuam leh kibangkim chiat lou, Lunglutna leh utdan te le kibang kim lou, mihing hinkhua a ihihna leh izuih dante ana hi a, khenkhat nasep lam bang tha-it mah mah lai in, khenkhat a gen thoh leh vaihawm lam bang ahih theih lam ana hizel hi .
Midang kimawl lam lunglut mah mah lai in, a khente huchi khollou in utluat a nei lou in, zahkai mah mah bang a na om zel hi, hiai te leh adang dang ah mihing hinzia gen seng louh a iki bat louh na uh tampi om kha ding hi, Lunglutna kibat louh nate ziak in eimah ut lam chiat nuam isa a, I ut na lam chiat limsak in i awlmoh bawl chiat zaw uhi. Tuailai hun diak in miteng in thanop na lam deuh leh lunglutna lam ki nei chiat dingin a gintak huai hi, Lungsim hat lai , tha hat leh, bangkim ingap thoh leh zou dia iki gintat hun le hi ding hi, hiai hunsung ngei in leng inn sunga Nu leh Pa ten hon lamet na uh lian mah mah ding hi.
Inn sung mohpuak na Nu leh pa tungah kinga mah leh, Tuailai te tung ah leng maban mohpuakna hong kinga pah ding din mun a idin lai tak leng hi ding hi , hiai tuai lai sung a iki zatna, I lung gulh leh izuihna lamte maban a ipai touh pih ahih lai in, hiai hun zatdik poimoh mah mah ding hi, Bang kim a mihing hinkhua a dia, a poimoh leh a deih huai hun pen leng ding hi, Khotang leh saptuam vai hi in govt. leh pathian na sep na lam hita leh hiai hun, etlah huai hun mah hi ding hi. Utna, lunggulh leh kitha lawpna lam zuih ding tampi le om ding hi.
Siat theih na di lampi tampi om lai in, Ama nopsak na ding leh lunggulh nate kihep khiak san a, ahun te noptalna leh khelhna lam a kibual khakna te kihemkhia tuailai in, pathian lau in a thute limsak in, Biakin kaite awlmoh zaw in pathian nasep na lam ah a hun te zang zel hi. Pathian belh in nei a, laisiangthou sim in a thu te a hinkhua a ding in zui zel hi. Pathian a din kikem siangthou in, mikhial leh lawm gilou lak akipan kihemkhia in, hoih lou leh khelna lam ah ki bual lou in kiveng thei hi, hiai gamtat dan apat a le theih theih na om tuh “Pathian limsak Tuailai” chih ahi.
