Etkikna saulou
"Kisiik (Lunghei), Ngaihdam Kingen, leh Kitamkikna Ni (Day of Repentance, Forgiveness and Reconciliation) hun khat I zat uh kuul, i gam' poimawh ahi" Rev Tongminthang Haokip @Rev Totong, KWS (D) Sr Pastor in a chi hi. Amun: 201- Ideal Apartment (Pastor' sauliim.), Nasirpur. Ani: Nipini, 10 September 2023 (11AM Biakna kikhop tawp).
Hiai ni goodwill mission, EBCC Delhi veh a hongkuan thei unau Kuki Worship Service (KWS) Delhi heutute pahtakhuai lua uh. Amaute:-
Zinglam dak 11 hunzeek ah EBCC & KWS Delhi in biakkhawmna hun nuam leh tuipaai tak kizangkhawm hi. Tua hun ah Rev Totong in, Bible a i muh Zawlnei Jona tanchin apan Manipur singtangmite'n zil di nei i hihdan uh chiangtak in gen. A gen khenkhat ahihleh -
(a) Jona, Pasian zawlnei (a man called the prophet of God) hi kawmpi a, thu manglou leh TOUPA apan taimang sawm khat ahi. Tuhun in le, A' naseemtu thu manglou, TOUPA apan taimang (taimang sawm) ki-om thei lua ahi;
(b) Milim bete'n, a tuanna uh long tuipi a a tum di’a kisa, amau pasian chiat a sap lai un Pasian hing bia, Jona bang a ci a? Ana ihmu hit-hit mawk dan ahi Saptuam makai & TOUPA gam naseemte kiveelpha ni;
(c) Huihpi-vuahpi in TOUPA' thu mang, ngapi in le hi lai. Jona valh di'a hongkuan ngapi, a Siamtupa thu mang ahi). Amah batpih a siam, A' zawlnei hina lai Jona in TOUPA' thu mang lou in taimang san sawm tazen hi!
(d) Pasian in mi a vualzawl dek chi’a sunglam en teitei ahi. David, Kumpi sathau nilh ahih dek in gen tuantuam. Biakinn dimdim kikhawm in an-ngawl in thumthum le-le, I sunglam (lungput) a dikkei leh hon vualzawl tuanlou di ahi.
(e) Unau it, Pastor hiam, Saptuam makai hiam, Khristian piching khat na hihleh kiveelpha in. Tuni, Jona dinmun a ding hi kha thei hi-teh;
(f) Thu kipahhuai: Tai mang sawmpa, A zawlnei, "A ut bang in taimang suk-heh… chi lou, itna tawh a nungdelh hehpihtu Pasian, Ngapi gil sung apan Jona' thumna ngaihkhiaksak Pa i neih man in A' min thupi i phat hi.
(g) Tuni in Amah kiang'h na kiik dia'm? Amah laka kituklut ah damna, buaina venna a om ahi. Htp Rev Tong' thugen kimzaw, Paite pau siangset a a gen, link kipia ah ngaih theih (https://www.youtube.com/watch?v=oAsNZqllM5M - minit 17 vel lel a sau ahi). Tua sermon ngaihna tungtawn in TOUPA'N A' aw khumte hon zasak chiatta hen!
Biak kikhop tawp in, Pastor' sauliim, 201-Ideal Appt ah, TBUC/ Executive Committee member om thei teng leh KWS lawi-upate'n houlimna & TOUPA sapkhawmna nei zui uh. Hiai kithuahkhawmna hun, EBCC Delhi chairman (Upa H Kam Suanthang) in makaih. Htp Suanthang in hibang lungtup leh nasep honnei KWS heutute kipahpih lua, tha ngah lua hihdan tomkim in gen. KWS heutute'n, mikhualte zintunna vai a EBCC heutute' kihonna thupi leh kipahhuai sa lua uh ahihdan gen uh. Pu Lunjalen in Guwahati experience – beyond communal color, true fellowship in/ with Christ ana neih dan uh - share hi.
Rev Tong in, "Kikhen thei i hikei…" chih i chiangkuan nunga ei sung abuai veve pen i value system uh etthak ngai ahi. Sadan- khadan a unau (ki)complement-na di mun a i ki-compete khak sek uh poi ahi. Heutu lam in i gendan, gelhdan & sep-le-bawl public in en a honzui mai uh ahihman in leadership level I makaih zia uh ki-etthakna di om hi. Tribal i hihna a cultural baggage, inheritance character khat i neih dong kholh mahmah om, huai tuh 'disunity' ahi. Tua nuaisiah a, Pa, Tapa & Kha Siangthou kikop (one God, one Son, One Spirit bia) i hihna pansan a I kigawm TOUPA gam naa i sepkhawn di kal uh ngaklahhuai lua. 1997-98 unau melhaih hun a i thiltuahte i thei. Tua nung, nam/ saptuam ai-awh thei Pawlpi makai level a kingaihdamna & kilemkikna thu puan a om louh ni louh pen, akua-akua adi'a thil poi ahi. Lamka in (ki) ngaihdamna leh damsakna a poimawh. Kuki leadership in kum teng a 13 Sept - Kuki Black Day a kizang, black flag khawng taak hisek pen ngaihdamna taktak tupna tawh, tukum apat white flag taak hita di chih na hanchiam ung, chi in ngaihdamna leh siansuahna thil hih ziaka vualzawlna ngah khenkhat taklang bok hi.
Hiai hun ah, report saulou gelhtu in, “Unau Nagate’n a kibatna lam uh (similarity) sim kawm in, kipumkhatna tawh mailam nawt uh. Ei non-Naga unaute’n, hun paisa ah I kibatna 98% mupel in kibatlouhna lam (2%?) mutpuak/ kheuh in kimelma et hita zen hang! Pianphung a kibatna leh Khrist sunga khat I hihna focus in mailam nawt panta ni. Tua di’n, TOUPA hong piaksa laate 'a kiphuahna pau’ a sa in, la-leh (lyrics translation) zalbawl nawn kei ni maw. A’ petu Kha in eite lungtang taak/ khau, Khalam laate tawn in hong zulsak nuam hi” chi.
KWS lam apat Pastor leh chairman in member paikhawmte laka ah hun paisa a lungsim diklou put khakna, huatna ana neihkhaknate uh – thei gegu in hiam, a.k.l. theilou inle - ngaihdam ngen. EBCC Delhi Chairman in ngaihdam ngetna pom ahihdan puang kawm in tua bang mah in, ngaihdamna ngen thuk… a thupi eive aw! Namsung kituahna diing deih in, pawlpi phut khia in bangteng plan bawl le-le, kingaihdamna a omkei leh, lawhching tuanlou diing hihang chi in, hun lemtang masa pen a Lamka public ground a kisiikna (lungheina), kingaihdamna & kilemkikna program vaiguan neih kisam ahihdan ki-remind kawm in, mimal khat chiat in TOUPA lak ah kipiakkhiakna thak (thumkhawmna) nei uh. A zawhna Rev Totong in bawl in aam tak in kikhen uhi. Ama’n honpi…
“TOUPA a omte diing in BANGKIM ah hauhna hi, Itna ah zong ITNA lian seemseem” (TPKT)
