Kei ka hih leh covid patient ka na hingeita a. Mi tamtak covid positive apan a damkhia (recovered) te tanchin bang leng I na zata hi. Signs leh symptoms banah I thuaklah tuamtuamte kibang veklou ahihman in kei tuah a pan ka signs and symptoms leh ka treatment a paidan tangpi k’on gen ding.
Signs & Symptoms
# Gawl tak sim susuih
# Lusung na velvul
# Awm bingsim
# Khuh
# Nakbing
Treatment
• Tab. Azeethromycin - ni khat a khatvei
• Tab. Doxy - ni khat a nihvei
• Cap. Becosules (vit.B complex ahi) – ni khat a nihvei
• Tab. Vit C – ni khat a nihvei
• Tab. HCQS (Hydroxychloroquine) 200 mg – ni khat a nihvei
• Tab. Montier LC – nitak lup di chiah nek
* A Vek A Ni Nga (5) Sung Nek Ding
Ei-Le-Ei Kikep Ding Dan:
Kei experience apan a k’on gen ahi:-
# Taksa kep siangthou ding
# Steaming bawl gige di (ni khat a 3-4 vei bawl ding)
# An leh tui I nek/ dawn peuh mah a salai (warm) nek/ dawn ding
# Tui ni khat a a tawmpen a 1.5 lt dawn gige (huai le a lum a dawn ding ahi)
# Tui lum leh chi mix a gawl khuah zel ding (ni khat a 2-3 vei). Gawl a nat luat leh 4-5 vei le poilou di ahi.
# Gil vahsak gige ding
# Ihmut kham ding (8-10 hrs)
# Deep breathing exercise bawl zel ding ahi
# Zingkal thoh chiang a siingtui a lum a dawn (I gawlna leh immunity adi’a hoih in ka thei)
Hiai teng khawng bang ahi, kei tuah apan treatment ka bawl dan leh kei ka na kikep dan. A tung a k’on gente, a dam, veithei dingmun a dingte’n le kivenna dana hih gige hoih ka sa.
Ken ka vei dan pen serious ahi kei a, signs leh symptoms ka neihte le ni tam vei hetlou ka hi. Ni 21 ka ki-isolate sung in le a symptom te hong beipah a, hilele a vangkim a khuh suak thut, ka gawl taak sim susuih, ka lu na leh nakbing chih te’n hon phazeuh zel hi. Hiaite hong om gige chih le hituan lou hi. Ni 14 ka om sung a symptoms om lou ka chih hang in, tua ka gente hong om zeuhzeuh a, test ka bawl nawn leh positive lai ka hi. Huai nung a ni 7 ki-quarantine beh lai ka hi.
Hiai natna hik pen vei or symptoms te nei a I kitheih leh lauhthawng pah louh ding. Hiai natna vei di’a I kiman a, positive lungsim neitak a fight ngai ahi. Lauthawng leh lungkham a om pen in ihmut theihlouhna leh an-kam limlouhna hon tun thei a. Huai chiang a I immunity system hon su hatlou in, a natna hik pen in I taksa hon zou mahmah ding a, huchih chiang in serious lou di pi serious condition tun theih ahi. Huaiziak in, symptoms nei I hih aleh lungsim nuamlou tak a om sang in, test I bawl a positive/negative result tuak thei di’a lungsim positive tak a kiman a om ding ahi. Huai lou in, hiai dinmun a om dia physically & mentally a le prepare sa a om ding ahi.
A tawpna pen a ka gen ut ahihleh, adiak in ka tuailaipihte, thumna (prayer) manpha petmah ahi. Thumna in bangkim hih thei ahi chih ka mu chiang lua a, k’on challenge mahmah ahi. I thum chiang un I deih vuak I ngen uhia? Kipahthu I gen zel uhia? Thum chiah lungsim taktak toh diktat tak in I thum uhia? Mi diktat thumna in thil thupi tak a hih zel hi – Jacob 5:17. Huaiziak in tuailai fel taktakte I hi uh. Thumna mah pibawl in lungsim a Toupa mah masapen sak gige ni. Simtute TOUPA’N hon vualzawl hen!
