Kumpipa David in – “Ka hinna aw TOUPA phat, Ka sunga om tengteng tawh A min siang phat in…” na ci. Lei & van a vaihawmtu, Jesu Khrist, mihing a hongpian di thu (Jesu paaitu a pang di ahih thu) vansawltak Gabriel in a zaksak cia'n, Mari in dawnbulhna hibang na pia, ngaihsuttham I sa hi: 1)“Kei, TOUPA silanu ka hi. Na gen bangbang ka tung ah tungta hen” (Luka 1:38) 2)“Ka hinna in TOUPA pahtawi hi. Ka kha zong ka Pasian, ka Hondampa ah nuam hi.” (t. 46-47).
“EBCC Delhi a kikhop nuam ahi. Thugen (thutak ankuang lui) banah phatna laa sakkhawm mahmah…” cih I za zeuhzeuh, a dikna ciang le om ahikha di. TOUPA'N minthanna ngahta hen! Biakinn khenkhat ah lasak lai a sa lou/ kam ka lou honpi khat muh theih om! EBCC Delhi a kikhawm phatkhawmte bel, laa pi (WT) te'n pi takpi, mipi lam in le siit omlou, vekpi mah in laa kisa hephep… biakna leh phatna a kihel (participate) ciat hihang. TOUPA ei di'n hoihna e!
Hucih lai in, Khristmas & Kumthak hunzekte a Pastor leh heutute'n a hon gen khak uh, NIPINI kikhop pellam a gahsuahna, thusin-lasinte' hinkhiakpihna cih lam ngaihsun in kumthak pantou in, zan a ban kal khat suan sawm in hanciam tek le ci'n Hondampa Jesu Khrist min in I KICIAL hi.
Khalam laa sa mimal/ pawl, honchawm mahmah I cihte atung a Kumpi David leh Nu Mari hinkhua I taklatte banga amau' hinkhua a Jesu lianpen, Kha Siangthou luahdim/ Kha Siangthou kipisak mite na hiciat uh. Ets. Unau Bawngkawn Saptuam Lapawl, ICI Lapawl, Billy Graham Homecoming, leh adg.dg. lapawl a sak dek ciang ua 'kisa ek a', a sak zawh ciang ua, 'zouta hang ei' ci a tawlkhawlte hilou uhi. 24 x 7 hours, biakinn sungle- pua biakna/phatna hinkhua a hing un, Spiritfilled/ controlled life, tua hinkhua (way of life) apan sak di nei /recording di nei ahih ciang ua hong kisingsa (gear-up) zek uh hihthawh hi.
Ei lawi bel hunbi kikhek zel bangdeuh a lum zel, vot zel, activity oriented ahihkeileh program oriented taka pai kihitangpi. Hucia, activity/ program om dungzui a kisa, kisa bemten. Tua program/ event/ item hongbei tawh kiton a beikhawm, hinna hon sukha/ chawm cih gen di nei bang le ki-om khollou hi tangpi lai hi. Saptuam a department tuamtuamte bang le activity-oriented tak a pai I hikha hiam, a.k.l. Spirit' led & anointed activity/ program zui a kipi cihte kiveel a, adiaka year plan guan hun ciang banga tuh, Pa' deihlam theihna di'a mimal leh pawlpi in TOUPA buan/ dot kisam ahi. Activity tam neih a kipak Pa bia hilou hang a, Amah tel/ ten theihna program gelkhiak leh Amah tawh zat I mawhpuak hizaw hi.
Tua I gente Rome 12:1, 2019 EBC Saptuam Thupi laakkhiakna tawh zong ettuah theih diing hi. Htp. Rev Vungminthang in KTZ, Jan 2019 editorial ah hici'n na gelh – Tuhun a Khristiante buaina Pathian pomtak louh thugen, pomtak louh thilpiak, pomtak louh nasep, pomtak louh kampau, pomtak louh biakinn program, pomtak louh thumkhawmna, pomtak louh innkuan chihte ahi. Alehlam ah I biakna uh mahni kihoihsak, kidiksak, I thumpihte, I seppihte muhdah gukna tawh biakna I hahbawl uhi… Pathian biakna diktak tuh mihing kha tawh Pathian hing kisukha a biakna ahi… Mihing khawphawk-theihna, nehnoutheihna, lunggel-theihna, deihtel-theihna, uttheihna tengteng Pathian' angsung a zulmang khop a biakna ahi.
Thugelh simtute TOUPA'N, 'Ka hinna aw TOUPA phat' takpi a ci thei di'n I tan uah vualzawlta hen!
