Laisiangthou a I muh Joseph tancin apan sinlai laak di a tam e... A thumanna leh gahsuahna et in mi pawl khatte'n Jesu Khrist lim-le-mel lak (ensak) tanpha in ana gen hial na mah ua.
✓Joseph in a nu-le-pa' thu a nial (mangkei) cih kimu lou hi. Tua bangmah in Jesu Khrist in...
✓ Joseph, kial kum kum 7 ah, a mi-le-sate di'n vualzawlna (an instrument of God's immense blessing) ahi. A' siamsa lei mihingte khelhna ziaka kial (famine), saltaangte tankhe di'n van Mang Tapa lei mun niampen ah hongpiang...
✓Joseph kiang ah TOUPA a om, TOUPA'N a ompih cih a kisukkhakpih mite'n a theithei uh. Jesu Khrist le tua mah ahi (Spirit-filled/ controlled life) - Kha gah, Gal. 5: 22,23 a i muhte, gahkhe tuak uhi.
Tanglai Lumsuang (Rock of Ages) kei di'a khin, nang di'a khin; Joseph hinna a thuneihna tawi Pa in nang hinna ah leh kei hinna ah thu a nei hiam, unau? Gendan dang in, zan leh tuni leh tangtawna dang ngeilou Jesu Khrist - Abraham Pasian, Isak Pasian, Jakob Pasian, Joseph Pasian, nang Pasian - na Lal & Hondampa - ahi takpi na maw?
> Ahihleh TOUPA'N thupina tang hen!
> Ahihkei zenzen leh Tu (Now), Hun Kipahhuai ahi a; ngai in, Tu Hotdamna ni ahi (2 Kor 6:2).
Jesu Khrist hinna koppihte bel Amah a zung kai, khangtou (lamtouh a om) leh gah suang di'a lamet hi uhi, unau. Jesu'n bang agen a? "Sing cih amau gah ciat ah a kithei hi" (Sing = Mihing, Luka 6:44).
t.2- Toupa Joseph kiang ah a om a, huchi'n, amah mi lamzangtak ahi a; huan, a pu Aigupta mi inn ah a om hi.
t.3- A pu in, Toupa a kiang ah a om a, a thilhih peuhmah Toupa'n a khut ah a lohchingsak chih a thei/ mu a.
t.4- Huchi'n, Joseph in a pu hehpihna a mu a, a nna a sem zel a: huan, ama'n a innkuante tung ah heutu in a bawl a, a neih tengteng a khut ah a koih vek hi.
t.5- Huan, hichi ahi a, a inn ah heutu in a bawl a, a neih tengteng tung a heutu a a bawl nungsiah Joseph ziak in Toupa'n Aigupta innkuanpihte a vualzawlta hi; innlam leh gamlam a a neih tengteng Toupa'n vual a zawl zel hi.
t.6- Huchi'n a neih tengteng Joseph khut ah a koih a, a kiang a thil om himhim a theihpih het kei hi, a annek kia lou ngal a thei kei hi. Huan, Joseph lah mi hoih mahmah ahi a, a mel mah leng a hoih hi.
t.23- Toupa Joseph kiang ah a om a, a thilhih peuhmah Toupa'n a lohchinsak nak ziak in suangkulh vengmi in a khut a thil om himhim a en nuamta kei hi.
TOUPA'N A' Thu, Khrist' hoihna koppih I hihtek theihna di un, sathau hong nilhsakta hen!
.....
NOTE: Media Team i/c (Upa Chinsum) in hun paisa in DEW/ Gamchiam ah thugelh ana koih zeuhzeuhta. Toupa hoih hi. Tuate simtheihna link:
https://blog.ebccdelhi.org/bangkhat-laak-sang-in-piak-in-lukhawng-neizaw/
https://blog.ebccdelhi.org/jesu-khrist-sep-ban-sepna-ah/
https://blog.ebccdelhi.org/covid-19-hiipi-douna-panlakna-leh-doctor-te-thugen-pawlkhat/
https://blog.ebccdelhi.org/i-tuahtouh-neknekte-uh/
https://blog.ebccdelhi.org/mihingte-kia-loungal-hilh-ngai-omlou/
https://blog.ebccdelhi.org/hiipi-hongleeng-kiveelna-tha-kipiakna/
https://blog.ebccdelhi.org/unau-ki-itna-om-zel-hen/
https://blog.ebccdelhi.org/kha-siangthou-tawhthawhna-tawh-phuah-laa/
https://blog.ebccdelhi.org/thu-3-kha-siangthou-ngaak-toupa-ngen-si-di-hing-dia-kimanna/
https://blog.ebccdelhi.org/kha-a-dimna/
https://blog.ebccdelhi.org/mi-khempeuh-in-lainatna-poimawh-everyone-needs-compassion/
https://blog.ebccdelhi.org/christian-parenting-seminar-a-manpha-ngei-e/
