Houlimna | Media Team, EBCC Delhi Leh Dr Priscilla C Ngaihte

1. Heutunu, lockdown buaina in a sukkhak a tam telmai a, a diakin nekzonna buai (kitat!); tua ziaka khawpi nuse di’a kithawi leh ana nuseta le om cih I thei. Hiai tawh kisai, “Innlam pai di maw, pai lou di...” cih saikak lamkathuam (crossing) a omlel imi-isate lak ah bang vaikhah / thumop nop na nei? Innlam tungsate lak ah la…

DAWNNA: Lockdown toh kisai innlam pai di leh pai louh di tungtang ah, ei-le-ei ki-etchet (assess) a I condition leh i status pen theih hoih poimoh masa hi’n ka mu. Financially a mahni ki-support theite adi’n pai louh a hoih, a san ahihleh sinlai (student)te adi banga lehkha sim hun/ knowledge gain or productive deuh a hun zat hun with readily available online courses, free electronic resources that can be accessed. Exam hun le hon puang guih thei hi gige uh. Sepna lam a laid off na hihleh, kha bangzah nang leh nang na ki-sustain zou di or na family in hon support zou di’a? Na omna sector theihchian a, lockdown hong bei a solkar in economy hon hong hun chi’a omkha geih didan in na kithawi in. Ahi a, sustain haksa di ahihleh city a khawsak namai lou, niteng a nek-le-taak adi’a sum sen ngai ahihna ah, maban sawn didan pen individual a kinga, innsung mite toh kikumkhawm a thupukna laak ahoihpen mai di.

Pai di I hihleh bel kisakhol a, bang pentak innlam a vahih ding ka hia chih ngaihtuah masak ahoih ding. Innlam vapai in, ei tup leh teel thu le hihet lou a lampi a natnahik in honna man kha, a paw-luttu a vapang kha chitchiat chih bang le om thei. Hiai risk le theihsiam a pilvan poimoh lua. Bangteng hileh, pai in pai kei ta-le, basic prevention methods zuih di’a kikhungte zuih hoih mahmah hih I kideihsak hi. Tuate bel, khut hoihtak a silsiang gige (na theihlouh kar in koilak hiam na vakhoihkha a, na theihlouh kar mah in na kam/ nak/ mit na vasawk kha thei hi – chik hun a sawk kha ding ka hihiam chih na theikei hi); mask siangthou bulh gige (midang apan ‘infected droplets’ kaai khak di kivenna, tua bang mah in midangte ei apan abitna du’n); social & physical distancing norms zuih gige (atak a zuih haksa mahleh hunteng in zuih sawm in, ahuchih-keileh a poimoh diakna mun ah na mangngilh kha thei hi).

Innlam a om, ana dawn (receive) di inn-ngakte’n le kimullit leh kituambawl tuahna mai hilou, damlouh noihnoih/ naihnaih ek theihna apan kiveng, damkhawm laihlaih mah manpha; tua di’a panla khawm I hi, for the greater good, chih thei gige a siangthou, pilvang leh kitheihsiamna toh ki-etkol sauhsauh ding poimoh. Quarantine protocol heutu leh solkar in dan-le-dun a bawlte zui detdet a, responsible tak a quarantine period zoh kuitung chiat I kideihsak hi. Journey bang ah an hoihtak a nek, COVID precautions chauh hilou, immunity haat nang a an nek teitei, banah fruits neng le ne teitei di’n I kideihsak hi.

2. Covid-19 ziak a lockdown hong kipat nung in North East Task Force (NETF) zak khak in a om a , tua a member hiteh maw… OK. NETF hong kipatdan, a tup-le-ngim leh nasep /sepkhiak tangpite n’on gen thei dia’m? Southern Manipur, Lamka a kipante’ hamphatpih dan le aw.

DAWNNA: North East Task Force (NETF), I heutupa uh Pu David Lalrinsanga IPS, Jt. Commissioner, PHQ/SPUWC/ SPUNER, Delhi Police leh Home, NE Division nuai a kiphuan Bezbaruah Committee kichi-te panlakna a hong kibawlkhia ahi a, huai a mi bangzahhiam a chialte uh lak ah hon telsak kha uhi. NETF in a tup pen ahihleh NE mi, India gamsung mun tuamtuam a omte hiai lockdown toh kisai, a haksatna uh etzuipih di leh panpih theihdan omte a panpih ding chih ahi. Tukum April khabul lak veel in, Helpline bawlkhiak ahi a, huai tungtawn a ngetna hongpaite na ki-en in, tuni tan in mi 6000 valte panpihna piak ahita uh. Request chi tuamtuam hong lut a, atangpite ahihleh: Ration toh kisai, Rent payment & landlord issues, racism toh kisai, Covid lou medical emergencies tuamtuam. Esk. ki-ensak a Delhi hon naihte, treatment la lelte, treatment sunzon theiloute, treatment laak lai a covid veikhate, naupaai leh nau neih toh kisai a buaipih ngaite, hostel tuamtuam a buaina tuak (nohkhiak a om)te, sepna apat a laid off a omte, loh muh di zenpi mu loute, leh adg.dg. Manipur akipan application khia, a tam lawitak ahi maithei. Ei Lamka mi service hong avail om zekna a, percent a saang kei di.

3. Nidanglai I pipute’n hiipi a len chiang in kialpi (famine) in zui sek ahi na ci uh. Covid-19 in India a nek-le-tak muhna & senna (economy) a sukkhak didan nang mimal muh dan… a deuhkhol in, southern Manipur akipan, pau kitheituah (leh ginna a innkuan hilai)te kiginkhawlna di’a hoih/ poimoh nasak om bang, kidaam lou in aw (siamsin, sepnanei, sumdawng, lou/huan bawl leh adg.dg. ki-om hi).

DAWNNA: Economy lam toh kisai zaw economist ka hihlouh ziak in gen di tam ka thei kei. Hilele, ka ngaihtuah chu: -

Short term a kiginkholhna di’n - Relief measures hoihtak a ngaihven ahimai di’a. Resource – Individual, group or government apat kaihkhawm a, hiaite a mu di’a kilawmte laka fel leh diktat taka hawm ahoih di. Hiai pen short term measure ahih dungzui in, tawntung kingaktheihna hong hilou ding hi.

Nektaak muhna toh kisai in – Lamka lak, self-sufficient na sector kha tam het lou di, food supplies ah gen le vegetables bangzahhiam chuh local produce (kingakna taak om taktak lou), imported a tamzaw hi di’n ka gingta. Agriculture ah, nidanga I gam a naturally a hoih, fruits chi tuamtuam or any other crop te bang production hahbawl thei in, processing & preservation lam kizil in huai lam focus thei le. Mundang a I export zoh ke’h le ei local demand bang meet zou le. Sector dang ah le ei hihtheih lam banga? chih zongkhia (identify) in specialize sawm le.

Poimoh ka sak bel - Mi tamtak a inn chiahkiik (reverse migration) te solkar in a kizatna didan leh rehabilitate na di uh a ngaihtuah pah poimoh ka sa. A talent& skill te uh phatuam taka zattheihna di ngaihsut pah le hoih di’n ka um a, hon ngaihtuah pah ngei di un le I gingta. Huai toh kiton in, alert tak a I na om ua, ei sukkhak area leh saikhak subject chiat ah hih theih bang om de aw… chih kidong a, research I na bawl uh poimoh hi’n ka mu, whichever line of business we are in.

4. Kidong sau lai le. Saptuam pawl tuamtuam leh khawtaang heutu (leaders – denominations and CSOs) nei filfelte I na hi ua , hiai heutute kihelna/ panlakna di’a pomoh na sakte le aw –

DAWNNA: Ei lam leh I minam in a neih hoih mahmah khat uh community institutions ahi. Huai in society function na thil tampi feltak in hon saisak thei hi. For eg. distribution/ use of common resources, penalty enforcement system, etc. Pawl tuamtuam leh heutu dinmun lenkhate I muang a, naa le a seem hoih uh; seem hoih thei lai di uh.

Hiipi or any disaster for that matter, tuah ahih chiang in stake-holders collaboration and cooperation poimoh lua hi. Haksat hun in mihingte aneu-alian, akua-akua hong ki-selfish thei mawk hi. Huai hun tak ah resource sharing leh welfare I optimize theihna di’n religious & social institutions te’n pan a hon laak uh poimoh. Lai Siangthou ah le resource sharing I mu hi: “…a lak uah leng tasam kuamah a om kei uh; gam khawng, inn khawng nei peuh in a zuak ua, a thil khotte uh a man a hon tawi ua, sawltakte khebul ah a koih zel uh; a deihdong ching hun chiat in a hawm chiat zel uhi” [Nasepte 4:34-35].

A nei zawdeuh mi panpih utte leh a nei lou zawdeuh panpihna poimohte kituntuahna institutions leh fair tak a thil a pai theihna di’n saptuam leh khotang a kipawlkhawmna omsate zat phattuam ding ahi.

5. North East (NE) huam state te pha-a zinkual sek, damtheihna lam etzuitu heutu khat na hihna ah, koi state te hihdan/ khantouhna in hon kipak saka? Tua (ettontak) state te’ hihdan Manipur etton di’a hoih nasak om kha di... Tuate n’on gen thei diam? Lamka, CCpur district a teengte adi biik la?

DAWNNA: North East a state-te, I theih hoih deuhdeuh leh pattak-huaipi ana kihidan aka hia. Chronic constraints ka chi mai di’a, a sum di, a van di, a mi di, leh a zilna di kichup I na neih luatlouh ziak mah un I tunnna di tan I tung thei naikei uh chih thu ahi. Huaite tengteng khek lamdang (lumleh) a hong om di hun ngaklahhuai ka sa.

Ahia, north east state 8 te lak ah ‘ettontaak pen’ vachih tuam di le haksa, aziak bel best practice a teelkhiak theih kineih vek mawk uh ahi. Huai chi kawm in, ei lak adi’a applicable ka sakte hiaite ahi

• Meghalaya cleanliness village concept – Mawlynnong, Asia’s cleanest village chih in om a, a garbage disposal & waste manage dan uh, dustbin everywhere, no garbage, Mizoram village te bang inle enton uh hi’n ka mu.
• Nagaland health activism through media - Hiai, Nagaland te hih, hoih ka sak mahmah ahi. Health messaging hoih pipi entertaining tak in hihthei mawk ua, powerful le ka sa.
• Sikkim 100 % organic ahihna uah damtheihhuai mahmah, banah universal health package a ngah uh hoih ka sa hi.
• Boat clinics, Assam a kimu pen thil hoih leh ettontaak ka sa.
• Mizoram te kha ‘cancer capital of India’ chih in a om namah ua, cancer vei le tam uh. Huchih kawm in awareness level sang mahmah zel. Cancer prevention, control and treatment na ding in state solkar leh institution tuamtuam inle panla souhsouh uh hidan in ka mu. Ets. harmful effects of tobacco, production and sales tawh kisai bang, akua-akua pangkhawm hoih lua ua, a consumption level kiam mahmahta ahi.
• Manipur ah health awareness ahoih a, IMR (Infant Mortality Rate) le niam. Ka phak nanung pen a ka muh khat ahihleh PHC/ CHC tamtak (avekpi’n hinai ke’h le) remote place a te tanpha ettontaak dinmun ah ki-develop om ahi. Esk. Behiang PHC bang. Lamka (Churachanpur) can also strive to develop model villages, focus on taking care of our environment, with better waste management, garbage disposal, preservation of our natural streams and rivers, organic farming, greater urban planning and management. Huchia, health chauh hilou tourism industry bang le I hamphatpih theihna du’n.

6. A tawpna di’n, sawtpek apan dotna/ kinialna na pai hita: Public sector a sepna zon leh Pvt. sector a sep tungtang, na muhdan leh hoihsak dan saulou aw. Na mimal phutkhak (experience) tel in hitheileh. Lungdam.

DAWNNA: Hiai topic hi conclude theih ngei louh di topic hi in ka mu a, gen le haksa ka sa. A hoihna om tuaktuak a, a hoihlouhna vagen luat di ka thei kei, aziak bel mimal deihtelna a kinga hilel lou hiam, ka chi hi. Private sector hi in Public sector hitaleh I et vengveng leh ana hih hoih zodeuhte amau interest, hard-work, commitment, grit te ziak a hih hoih ana hizel uh chih a muh theih a...

Govt. sector ah security om chih I haih kei, hilele, private sector ah leng mimal in a hih hoih naak leh patauh luatna di om tuanlou hidan in ka mu. Mimal tak ah, deihsaktu tamtak in “Govt. ah lut ve,” honchi sek ua, kei le hiai dotna ana kidong ngei lua ka hi. Himahleh, kei lunglutna leh hih utte development sector ahihkhak ziak in tunitan hiai sector ah ka na om. Society hoihna ding in private sector in leng poimohna/ contribution liantak nei ahi chih pom in Pathian’ hon koihna mun a lungkimtak a seem tou zel tuh ka hi. Ahi a, non govt sector/ corporate chu hectic lam ah hectic zawsim hiveh aw maw… performance a le kinga ahihna ah gim/ tawlhuai vungvung hun le om thei zel….

NOTE: Htn. Dr Priscilla Cicy (w/o Pa Jimmy Tonsing), 2001 kum a EBCC Delhi Children’s Department apan graduate-khia (picing kai) mi tamloute laka khat ahi. A graduation BDS zoh 2007 kum in a’ lunglutna Public Health, PHFI te Future Faculty Fellowship scheme in post-graduation ana hih a [Global Public Health, Canada ah; HIV Medicine, Sydney ah; leh Health Economics, Financing and Policy, India], 2011-12 in PHFI – IIPH nuai ah Lecturer & Public Health Specialist in na seem pan a, tucia’n PHFI ah Advisor role piak a om in; North East India States te enzuitu (i/c) a koih in om hi. Houlimna tungtawn a Saptuam leh khawtang hetkha thu navakhuai tamtak hon genkhiak kipahhuai I sa. Simtute leh heutunu TOUPA’N thupha hong petekta hen!