I sapum in tui a taksap chiang in Dehydration kichi hi. Tulai Delhi temperature bang hong niam deuh hiaihiaita a, kholum lai bang a i dang bang taak zihzeh nawn khollou; khua lah lum lo lawmlawm nawnlou ahihhang in fluids leh electrolytes kiam veve ahihman in i taksa in poimoh veve hi. A theipen hi hetkei mah le’ng awlmohna toh theihtuak hi a theih man in saulou hon kigelh hi.
Niteng in ka sapum in tui bangzah kiphamoh hiam? Na activity level, na environment leh na duration of direct exposure to elements of environment ah kinga hi. Atangpi in ni khat in litre 2.7 chiang bek tui dawn kiphamoh hi.
Well hydrated ka hi chih bangchi'n ka thei dia? Hydration level kitheih dingdan tamkhop om hi. Tuate lak a khat ahihleh i zun rong - a dup luatleh tui kitasam, a dat (colourless) luatleh over hydrated, a en (straw coloured) hiuhiauleh well hydrated chihna ahi.
Niteng in ka hydration level bangchi’n ka maintain thei dia? A vangkim a tui dawn ding. Khatveithu a tui tampi dawn a, sawtpi dawnlouh a hoihkei. I an nek ah thilsial (salad) bang telsak thei zel le’ng deihhuai. Sepna ziak, lehkhasinna ziak bang a inn a an ne manlou i hihleh leng homemade lunch leh tui pack zel pen damtheihhuai leh siangthoupen hi. Theitui chi tuamtuam, zubi tui, ahihke’h seasonal thei tuamtuam tuipai deuh - muvom, tangmai chihte bang nek zel a hoih. Tuate lunch box a puak a, nek leh dawn zelzel pen in hon hydrate in i taksa a fluid leh electrolyte-te replenish mahmah ding hi.
Vaigam a om i hi a vaite chindan nek-le-dawn hoih pipi i theihte eg. lassi, sattu drink, nimbu pani-te khawng e’n le’ng enton in i diet a telsak zel hoih hi. Carbonated drinks, caffeine and sugary shakes chihte kisuum a hoih. Dehydration apan kikep haksa hetlou ahihkawm in, ahun a i kiven keileh i damtheihna kia thamlou in i hinna nangawn adia leng thil lauhuai tan tung thei ahih. Stay Well Hydrated!
