A tunga thupi I laakkhiakna Nasepte 20: 35 ahi - Bangkim ka hih peuhmah na chiin ding ua ka hih ahi, huchibang a seem gim leh, Toupa Jesu thu theigige kawm in mi hatloute na panpih ding uh ahi; Amahmah in, “Bangkhat laak sa'ng in, piak in lukhawng a nei zaw, a chih,” a chi a.
Sawltak Paul in ahih peuhmah eite chiin (etton) di'a ahih na hidan ahi. Thupi mahmah. Ama'n seem gim, Jesu thei gige (lungsim a vom, No. 1 position pia) kawm in hatloute lam ah a khut zaak hi. Hatlou leh tasamte i etdan leh muhdan, Jesu Khrist/ Sawltak Paul' mit koppih in, amau lam a khut zaak thei di’n TOUPA thupha!
Bangkhat ‘Laak’ hiam, ‘piak’ hiam akigen cia'n muhtheih thil (material thing) lam a kawksak a baihlam, tua kia na hilou hi, unau. Khristian gingtu khat, na etdan & muhdan a dik a, Jesu Khrist aa tawh line khat a hong om cia'n, na omdan, kampau, & kilatdan ah na piakkhiakte khum zungzung hi. Midangte adi'a damna & kipahna pekhia nana tuh, nang aa Kalvary tui vung pen kiam malak ah pung deuhdeuh, phul biahbiah, kaai biahbiah lel hi. Tua, [mi'n ka tung ah "hucih le uh, hon hucih le uh" cih lam HILOU], nang na piakkhiak di tak "itna, kipahna, lemna, thuaktheihna, leh adg" na piakkhiak pen, mi apan laak or muh na sawm sanga manpha zaw, more blessed (to give) than to receive ahi, unau. Amen?
Sawltaklian Paul in 1 Korinte 2:12 ah, "Huan, a thawn a Pathian in thil hon piakte i theihna ding in, eite'n zaw khovel kha hilou in, Kha, Pathian kiang a ngei, i mu zaw uhi" ana ci. Tua Kha gah, the fruit of the Spirit (singular) ahun hun, amun mun a gah diing (piakkhiak diing?) thupi hizaw hi. Thukhun Lui hun a I vadaksuk leh, “Amah zaw tuiluang kiang a sing suan, a hun a gah zel, a nah leng kai ngeilou bang ahi a; a thilhih peuhmah tuh a lamzang zel ding hi”(Sam 1:3) cih I mulai hi. Kha Siangthou in hong telsiamsakta hen!
Sawltak Paul mah in 2 Timothi 1:7 ah, "Pathian in launa kha a hon pe kei a, thilhihtheihna leh itna leh kithuzohna tak neihna A honpe zaw ngal a" a ci bok. Lauh giugiau nei or lungsim thawmhauna khat nei in na om hia, unau? Na tuacih leh, (midangte) itna ah a samzek om a ahi dia’m? 'Itna' in launa hawlmang a, thilteng kituak taka henkhawm ahi. Jesu it bang kuama'n hon it lou. Tua itna, aziak-azar omlou itna koppih a midangte 'ittu di' NANG leh KEI I hi. "Mihing 100 lakah khat in Bible sim in, adang 99 te'n Khristiante sim diing uhi (Out of 100 men, one will read the Bible, the other 99 will read the Christian)." ~D L Moody
Joppa khua ah a min Tabitha nungzui khat a om a, (Tabitha omdan tuh Dorka ahi); huai numei in thilhih hoih leh thilpiak a hau mahmah hi (Nas. 9:36). Hiai minu' hinkhua a tawldam in a zaangkhai mah di, i LST tangteel zuikha hina tel e maw. Nang le na hithei, phal ahi.
Aw, na bangkim Toupa kiang' na pia vekta hiam?
A Kha'n na lungtang neivek hiam?
Na sapum leh na kha,
Na bangkim na piak chiang',
Na nei ding muanna, khawlna, nopna (B.La 399)
TOUPA'N A' thu saulou i gelhte sathau hong nilhsakta hen!
