Jesu'n a kiang uah, a gen a, Hon sawlpa deihlam hih leh, a nasep zawh ding Ka an ahi...., A ci a (Johan 4: 34).
Sual sal apan hotkhiak hotdam hitate'n Gah masa Tapa Jesu Khrist banga thuman leh Amah sep maban sep di naa nei tek hang. Khristiante bel midang tawh kiteh a ki-uangsak di hilou, Jesu Khrist mitsuan (enton) kawma eimah a om Thilpiak (talent & gift) te mutkuang di'a lamet I hi. Huai mah tuh hotdamta, micihte hinsan (purpose in life) hidan ahi.
Jesu Khrist’ sep ban thumang taka seem zom, hinkhua zang a om laitak a damlou kha, hucia seem zom theilou a om, huai naa hoih sep 'din khawl' (Lalgam nasepna khawl) pen poisa gingtu khat i hihleh hihdamtu, Jehovah Rafa adi'n damsak a kilawphuai ngot di. Damlou, dam ut 'eimah nopsakna di tan' lel ngaihsun leh lunggulh i hihleh TOUPA' etna a purpose driven life cinglou deuh hinkhaw zang hihtheih mawle (James 4: 4-6 sim mah in).
Hici'n ngaihsun le'ng. I damlouh ciang in achang in lamdang I sa sek hi (why me Lord?) Lehlam ah lah, I damdam mawk pen a lamdang hizaw lou hiam? Natna hiileng zouzaite nawk bat/ batphak, nek-le-tak kichup balanced diet ahunhun a ne gige le kihi lou lai maw. Lamdang, lemthei, Pasian hat, khantawnpa, lemna Lal eite hon Chingpa ahih ziak ahi. (Tua hang in) Toupa hoih hi, hunteng in I ci thei hi.
Tua TOUPA hoihna, man ngenlou a Tapa Jesu tawna hinna leh damna honpiak I theihtel seemseem cia'n -
iii) TOUPA ei di'n hoihna e ci'n I laam thei hi.
Tulai teng covid-19 hiipi leng in a hon hahnawk kha sim a, natna vei khate leh a enkoltute lungsim ah thawmhauna zek omthei hi. Tua kawm in, hiai tungtawna TOUPA'N hon zaksak nop omle hithei maw. Jesu Khrist’ sep ban kipumpiakna kim tawh seem sawltak Paul in hiai na ci: "Unaute aw, tu'n ka tung a thil hongtungte, Tanchin hoih a khanna di'a hongtung uh ahi chih na theih uh ka deih hi" (Phil 1:12).
Awle, Jesu Khrist’ sep ban sepna, Khrist pumpi lamtouhna ah bang panna nei kha in na kithei a? TOUPA hon koihna na ciangta hia? A' khut, khe, mit, bil & adg khattei tei na hihna, hon koihna bel om diingdan ahi, unau. Tua theikhia leh hih theihna honpiak zahzah tawh Amah min thupina di’a seem kha, seem kuitung gingtu khat hidi'n Vanglian TOUPA'N muvanlaitha hon guan hen aw!
