Bible tuh Thukhunlui laibu 39 leh Thukhun Thak 27 kigawm bu 66 ahi. Hiai simdan mi tuamtuam in chi tuamtuam tampi ana gelh ua, huai lak ah tamlou tuni in i gen ding, hiai anuai-a bang in:-
- ABUNGBUNG A SIM/ SUUT DAN:
- Pilvang takin sim inla, a gentup leh a pulak nop pen bang ahia chih zonkhiak sawm in.
- Abung pumpi thumal khat hiam, thuvual khat hiam a thupi di’a koih ding hilechin bang hiding hiam chih zonkhiak sawm inla bulh zel in.
Esk. Tanchinhoih Johan bung 1 : Jesu Khrist Pathian thu
-do- 2 : Kana khua a kitenna
-do- 3 : Pianthakna, huchibang zel in a dangte leng.
- Abung sung thute sim thak inla, a bawngbawng in khen in:
Esk. Tanchinhoih Johan bung 1na sung:-
- Jesu Khrist Pathian tangtawn thu tang 01 –09
- Jesu Khrist khovel a hong paina ,, 10--18
- Jesu hongpai ding chih Johan in a theihpihna ,, 19 – 28
- Johan in Jesu Pathian belamnou ahi a chi ,, 29 – 37
- Nungzuite a sapna ,, 38 - 51
- Asung thu theihsiam louh omte chiamteh inla:-
- Mundang koi ah a kigelh a chih Concordance ah zong inla
- Bang a chihna ahiam chih Bible Dictionary & Commentary ah en in.
- AVUALVUAL A SIM/ SUUT DAN (By Paragraphs 6: 5 – 15)
A vualvual in nguntakin sim inla, kua tanchin, bang thu, bangchi bang a gen hiam chih theih tum in.
THUM CHIANG AHIH LOUH DINGTE (Matt 6:5,7)
- Milepchiahte hih bang a hih louh ding (kongzing kathuamlai a ding kawm a thum sese)
- Jentelte bang in gen tuan mawkmawk kei un.
THUM DINGDAN (Matt. 6: 6,9-15)
- Na dantan sung gil ah lut inla,
- Na kongkhak khak inla,
- Na pa a guk a om kiang ah thum in.
- Thum ding dan a hon sinsak bang in (Toupa hon sinsak thumna)
Asung thu theihsiamlouh omte : Bible Dictionary/ Commentary ah en in.
- THUMAL TUAMTUAMTE SUUTDAN
Esk: Gen. 1:1 Atung in Pathian in lei leh van A siam.
- Atung – thil tengteng omna di’a, a bul hong kipatna
- Pathian—hiai pen a paubul Hebrew ah ‘ELOHIM’ kizang, Bible siamte’n a suutdan un, Hebrew laimal ‘IM’ a tawpte khat sang a tamzaw genna ahihman in hiai ah ‘Trinity’ -
Pa Pathian, Tapa Pathian leh Khasiangthou Pathian genna ahi chi in suut uhi.
- Lei—tua i tenna, tuipi, gam leh huihkhua zapi Pathian in A siam ahi.
- Van – English Bible tamtakte’n “Heavens” chi in na let uh a, hiai pen Bible siamte’n a thubul toh kituak na chi uhi. A gintakhuaina bel 2 Kor. 12:3 ah “VAN THUMNA” chih bang ana kigelh man in, van bel khat kia hilou hon chisak hi.
- Siam – Thilsiam thu toh kisai mihingte chih louhsiah Heb.11: 3 huchi’n thil muhtheihte leng thil langtheite a Siam ahi kei hi.
Suuttham ching, buaipihtham ching leh a hinpih mite kiang a vualzawlna leh tangtawn daih hinna thu tuni a ei singtangmi, namniam leh nam tuantual chih a theihte’n i na tankhak man in hampha kisa mahmah hang. Sim a, suut a, hinpih a, phattuampih chiat ding in Toupa’n michihte a Khasiangthou thopna bukim honpe chiat hen!
