EBCC Delhi, Jesu Khrist suangpi kip tunga lamtouh, in kum simna a zuih sek “April 1, 2020 - March 31, 2021” hi. Department tuamtuamte’ term pailel (2017–2020) bei ding tawh kiton in term thak adi kiteelna March 2020 kha sung in neih ahi (TBSUC & TBDFC adi March 8, 2020 in; TBMC & TBYFC adi March 15, 2020 in). Kum danga zuih bang in TBSUC, TBMC & TBDFC te kum 3 (thum) adi leh TBYFC adi kum 1 (khat) dan a bikhiah ahi.
TOUPA theih a thiltung I tuah touh neknekte abeubeu in bangzahhiam taklat I sawm mah uh aw. Sawltak Paul in, “Unaute aw, tu'n ka tung a thil hongtungte, Tanchin hoih a khanna dia hongtung uh ahi chih na theih uh ka deih hi” (Philippite 1:12) ana cih bang in, I tuah touh uh thilte Pa Pasian theih a thiltung, Tanchin Hoih a khan zelna di’a hongtung hi ahi, cih phawkthak ciat le’ng, I etdan leh sep-le-bawlte kilamdang zek mathei maw. Blessings!
1. India phualpi solkar, Ministry of Health & Family Welfare in covid-19 hiipi leng apan kivenna ci khat ‘First Travel Advisory’ January 17, 2020 in suahkhia hi. Hiipi leng in daihlam nawtlou himhim ahihman in, Advisory suah a ompen GOI/ MoHFW in puahpha in keklian toutou (ahuam zasak hiaihiai) hi.
2. Gamsung vaihawmte’n March 22, 2020 (Nipini) a public curfew hon puan ban uah March 24, 2020 (zankim) akipan in Total Lockdown hon puang uhi. TOUPA ahoih a, March 22 apan EBCC Delhi in Online worship service pan thei in, DEW & Gamchiam mah zong paperless (mob version) pat touh ahi. TOUPA hepihna tawh tatsat lou in sutzop touh ahi.
3. DEW & GAMCHIAM diak bang, Delhi leh Delhi paw-lam EBCC & non-EBCC member-te tanpha, khuavannuai a om unau pau kitheituahte adi’n ‘pulpit kikop’ (common platform) ahong hita... Mb version ahong hih tawh kiton in mun-awng kidaih mahmah a (unlimited space), thugelh sau deuhte bang bangtanhiam sim zawh cia’n READ MORE, website blog zawllut hizel hi.
4. Gamsung vaihawmte apan neukhah lockdown khahkolna (relaxation) hong omzek man in, nisim June 13, 2020 a TBSUC meeting in (March 15, 2020 kikhop a teelkhiak Saptuam heutute) commissioning, Office Bearer formation leh charge kipiakna-te Pastorte leh Election Commission te sai di’n pekhia; tua dungzui in amaute makaihna tawh hiai vaite June 27 & 28, 2020 in buaina omlou in sepkhiak ahi.
5. Pastor-te’ vision, “Nehemiah Thum Pawl” July 12, 2020 zinglam dak 10 apan EBCC Delhi Biakinn, Dwarka ah pat ahi. Thu bulphuh: "Na unaute uh, na tapate uh leh na t, anute uh a ding in galdou un, na zite uh leh na innte uh a ding in" (Neh. 4:14b). Pitu om, LST sim a thumna nei, sharing (sehbik khat) a om banah, thupuanna leh thumkhawmna (mipi), huan, hunkhakna (Toupa hon sinsak thumna) in zui zel hi.
6. EBCC Delhi in piakkhiakna tawh kisai, Covid-19 pandemic lockdown hun a hamphat biikna a tante: (a) DEW/ Gamchiam (paperless, mb version) – Nipini teng in (March 22 apan); (b) Nehemiah Thum Pawl @10.00AM - Nipini teng (July 12 apan); (c) Online Biakna Program @1.00PM - Nipini teng (March 22 apan). “Laak sang in piak in lukhawng a neizaw” cih gelh ahi. Amen.
7. Nisim August 29, 2020 a Phualpi solkar’ laisuah, MHA Order & Guidelines for Phased Re-opening (Unlock 4) in hibang in taklang: (a) Metro rail w.e.f. 07 Sept 2020 in a graded manner (b) Religious gathering with a ceiling of 100 persons w.e.f. 21 Sept 2020, with mandatory wearing of face masks, social distancing, provision for thermal scanning and hand wash or sanitizer. Ahihleh,
Covid-19 pandemic ziakin 'ngeina' (normal) hilhcetdan hong kikheng diing, cih ahi. Hih le hitou lellel hi: Ofis kaidan 'ngeina', meeting neihdan 'ngeina', vanleng a ticket laak leh tuandan ‘ngeina’, metro rel a ticket laakdan leh tuandan ‘ngeina’... banah, eite hon sukha biik, biakinn kaidan/ tutdan ngeina le hong hingei di. A deihlam van a akihih bang in, nang leh kei ah, huan, nang leh kei tawn in hih in omta hen!
Metro rel ‘ngeina’
Metro lam a seemte’n kha 5 leh ni 18 tai lou a a omsung un, Sept 7 apan tai theihna/ phalna ngah di cih a theih ua kisakkholhna, a neih uh thupi banah ettontak uh I sa. Palam station to Udhog Bhavan station, updown, experience khenkhat: #Entry & Exit gate, gate khat ah (kinawk kha bel hisam lou in); #Temperature testing hoihtak in #Hand leh baggage, sanitizing #Loud speaker ah zuih di thute akal lak in puan zelzel ahi, baang a taakte banah #Token hihbei hi a, metro card kizang ciat #Metro card top up kulte in smart card zang in #Train sunga tutna (tutna khat hal zel in) leh dinna space/ SD zuih theih lian di'a marking omte kizen.
Biakna lam ‘ngeina’
Biakkhawmna tawh kisai, nisim September 12, 2020 a TBSUC tukhawm in thupukna 3na nuai ah hibang in ciamteh: (a) Saptuam mipi biakkhawmna livestream a neih hoih sa (b) Huai ding a vanzat poimoh Atem Mini pro – live HD Video Mixing and Streaming System leh a poimoh accessories leikhiak, huai adi’a Rs.70,000/- sanction bawl ngal; (c) Kikhop ding dan ah ngaihdan tuamtuam - Prayer Cell wise, Upa Bial wise, advance booking bawl, Basement leh Biakinpi zatkhawm etc. genkhawmna om, banah item ding leng sharing, pep-talk etc omsak a hoih dia’m chih khawng memberte apan thukup ciamteh. Ministerial Committee in ngaihdan kigente bukkak kawma kikhop dingdan, item guan dingte, Livestream pat hun ding leh mipi biakkhawmna tawh kisai apoimawh bang akisaikhakpih (stakeholder) Worship team, Media team, Ushering etc. tawh kithuzak a hon sepzui di un nga hi.
Vanzat poimawh mahmah Atem Mini pro – live HD Video Mixing and Streaming System leikhiak zawh ahita. Zan, Kiginni (19/9) in Media Team te thusiamna & kuhkalna tawh biakinn ah live testing neih ahi. Biakna lam ‘ngeina’ (New normal) tawh kizawitawn etzui diing omte TOUPA deihna bang a etzui leh sepkhiak hong hih hanhanna di’n Ministerial Committee/ Pastoral Committee leh stakeholder taklat a omte Worship team, Media team, Ushering etc. phawk kawm zel in TOUPA sam ni. Ama’n eite limtak hongkem hi. Hallelujah!
