Dotna: Further study lam gen di na nei hia?
Pastor Biakson: Further study keile ka ut a, nikum in ka kingen a, hilele, a queue tampi om in chin huaite priority piaklouh theihlouh a om ziak a hong kipethei nailou chi’n heutute’n hon dawng uh. Kei le tuh kingen ka-ka. GS Htp Paukhanmang inle, “Honpe ve, ka na genkhawm di uh” hon chi. Kipia. Hon genkhawm chiang ua, khatvei-nihvei kia le hilou nihvei-thumvei tan ana pia mi bangzah hiam om unchin, huaiziak a lemthei nailou phot chihdan ahi.
Dotna: Innteeknu, Np. Tanlian pianlai a va kemkha, nupi khenkhat in a gen chiang ua pastornu, Delhi nupi khenkhat banglou ahi, a kam a mi gensiatna pawtlou, chi mawk ua! Bangchidan a mi genselou a omthei… Pastornu’n hon comment zek leh hoih di hiveh aw.
Grace Siamte: Huai kha mi hon muhdan ahimai a maw. Ei-le-ei a kihing himai. Numei tuh I pau tam keileh thil gense tawm himai in chin….
Dotna: Naupangte’n laa a sak chiang ua pastorpa’ aw, pastornu’ aw tuk zoulou chi bang om thei; tuate bang in dot nop hiam, kipahpih/ pahtakna lam hiam gen di nei thei...
Pastor Biakson: A paikhe dite bang le kisakthakna khat om hive aw.. renewal khat pai. Hichia pai tang den hiam, masawn lah hilou, niamkiak lah hilou a omtheih. Tua hongbei inchin kipatthak theihna khat hong suak om. ‘Hun’ (Time) kichi bang le Pathian in ei adi’a hon bawlsak ana hi. Amah khah tangtawn Pathian hi’nchin, hun poimohlou ahi. Hun kichi Amah adi’a meaning neilou ahi a, out of space and time Pathian ahi. Huaiziak in ni hongsuah zel chiang leh ni hong tum zel chia’n I lametna hongthak zel. A bawlse luate bang inle “zingchiah awle” chi thei, huai pen Pathian hoihna ahive. Huaiziak in kou aa di bang ale transfer & posting hun hong om chih khawng Pathian hoihna ahi. Ka kipak ua…, k’on miss kei di’u chih lampang tuh hi hetlou in maw. Huai kawmkawm in, chiamnuihsim a ka hon gennop tuh, zan akipan a thu kigen tengteng a hoihlou khat mahmah le omlou… kare maizen! Phat a hong kiphat maimah inchin, kum 2-3 bek tuh settheih leh kilawm khop a hon charging uh ahi. Tunitak bang inle I sunzom lai ua, kidim kiihkeih mai dan ahi. (Hong kigente) ataktak ding ngen in ka ngaihtuah a, ka kipak a Pathian thupina ka pia ahi. (Sutzop di).
