Hosur apan Bangalore zuan ding in nisim 30.12.2014 in Ambulance in kakipawkhia uh hi.Huai in tuh doctor & nurse in honzui ahihna uah lungmuanhuai deuh in, naungek pomkom in anu kiang ah katu ua, ka kiang ah kalawmte khat atu hi.Banah, OTIa ka heutute un a’ car un honzui uh hi. St. John Medical College(Bangalore) katun un, Emergency Ward/ ICU ah tawllut ngal uh hi. Hospital ate’n leng ama-a te gen bangmah in,“A blood infection a sang lua” chi ua, “huai in a organ te bangbang asuse khadia’m katheinaikei uh” honchi ua, a result ka ngak lel uh hi.
Nisim 31.12.2014 zinglam dak 7-8 kikal vel in ICU a om kava-etleh ana halhdeuh abang hi.Ahia, sun dak 11 lak in khuaphawklou in ahong om nawnta a, Doctor-te'n leng ventilator thuah ngai achih ziak un khuaphawklou di’n akoih uh hi (sedate). Result-te hongsuaka,Doctor-te’n,“A lungtang, a kal leh a tuap(heart, lungs &kidney) ginalou mahmah hi,” hongchi ua, ka heutute kiang ah, "Na damlou un chance aneinawnkei" chi’n hilh uh hi. Kei, heutute’n ahon houpih ua, "Thil setawp tung I hita uh, kigingsa in om in" ahonchi ua, “Na innkuante hilh in” ahon chilai uh hi. Innlamte kiang a gendingdan kabuai mahmah maihi. OTI a Dean, Khasi te khat kiang ah,“Nenem' U kiang ah vaipau in gen in” kachi a, ke’n ka houpih masa a huaizoh thil omdan ama’n ahilhvek hi. Nitak in ka sungte uh hong kihou khawm ua,a hon-gen uh, "INNLAM AH HONG KIPUA UN" chih himai (aziak om ahi). Bangalore lam ate’n kei kiang ah hondong ua huai hun in gen ding avang mahmah mai!Ka dawnna omsun tuh, "Tua,a natna mukhe pan uh hia, treatment honpan mailou ding uh ahidia’m?" chih ahi. Nitak in duty Doctor kiang ah,“Puak theih dihia?” chia kavakan ua leh, ama’n, "ICU apan nalakkhiat khitchiang un minute 15 adamzou hamham ding," chi’n honna dawng hi.
Mangbang tak in December 31 nitak bei ding in akisata a, zinglam dak 3-4 kikal in ka ihmut hongsuak lua petmah a (nitak 3 tak ka ihmutlouhna ahihtakziak ahidiam ah) ka lawmte kiang ah,“Ka hong ihmu zual ding” kachi hi. Tutna tung ah ihmut ding ahimai a ka ihmut dek in, "TOUPA, bangloh ding kahia?" chih tamvei simpi ka dongdong hi.Ka ihmusuka, ka mang hia ka tak hia, ka khanloh toh kiton in kalungsim ah, "Be Still And Know That I Am God" [Dai unla, Pathian ka hi chih thei un (Sam 46:10)]. Hiai Pathian in Promise Verse January 1 a honpiak innlamte kahilh pah a, “Damdawi-inn ah k’ong ki-enkol phot ding uh” kachi theita hi.
Khua phawklou a ni 8 sung bang om vengveng sung in lawmte khat in hongveh in, "Nang na ji itlou maw, hehpihlou maw; hichi’a na thuak saksak… khah mai ve" ahon chih in ka lungtang ana mahmah mai hi.Himahleh, amah kiang ah, "TOUPA’N, Ahun ngaak di’n hon genta-a, huai a honchiam ka ngaak ding" chi’n ka dawng hi.
Kumthak program zangzou in, Saptuamte'n hospital mahmah ah hongveh ua, asunga lah kilut theilou ahihziak in Emergency Ward kong ah dingkual in thumkhawmna akinei hi. Mi tuamtuam inleng honna thumpih ngei ua, tuate TOUPA a thawn lou in, ni 8 nung in khua ahon phawkta hi.Huchi’n, honghoih hiaihiai a,ni 18 nung in ICU apan general ward ah honkoih pheita ua; Ni 26 sung in hiai damlouhna gimhuaitak mai Septicemia palzou in, hospital kapawtsan thei khongkhong uhi. Hiai hun sungteng Hospital gate leng pelkhalou a honkoih nek-le-tak hon ngaihtuahpih tanau, lawm-le-vual, saptuamte leh IEM heutute tung ah kipahna gen senglouh kaba uh hi.
Simtute, "Pathian zaw A thuchiam ah muanhuai ahi" chih kou innkuan tungtawn in achiang mahmah a, nang leng huai bang ngaak a na om khak leh lungkia lou in A promise te thumna in claim zel in. Ama’n hun achih chiang in a hongdawng ding hi.Hiai Bible tang in I kihanthawn nuam hi:Gim tampi thuak in Pathian gam i lut ding ahi him ahi, chi in, nungzuite lungsim a hihkip ua, ginna a om gige ding in a hanthawn uhi (Nasepte 14:22).
Picture:ICU a omlai
Sutzop Ding....
