TULAI, Social Media vang paina nasat hun ahi. Social media marketing/ platform akipan in khawvel kilcih kintak tak in kitungthei/ kimuthei hi. Hiai hunlem a la in thil hoih thei leh ngaihsun sun mite'n pekhe zutzut thei le'ng tuh a hoihlou lam nuaisiah leh liahmang a omthei kha di hia... TOUPA akipan lamlahna, hatna & tawhthawhna (vision, strength & motivation) i poimawh ahikha diing.
Mihing in a et banga hon enlou, vanglian Tung Pasian lak ah "Zaitha hatna honpia'n, Kou ma sawn zou kei ung; Na thaunamtui in honnilh in, Ka kiang uah hon ompi'n" i ci ahi. Covid-19 lockdown sung, Southern Manipur (Lamka) apan kikhahkhia online sermon te phattuamna gen di hunkhop omlai in, ana ngai sek senior citizen hita khat (Pu Kam Ngaihte) in nisim May 23 @21:32 in FB page ah hibang muhdan na gelhkhia hi.Lamka te: “Pathian thu sermon tengteng hoihsa vek, nuamsa vek, kipahpih vek, ngaina vek. Ahuchihnung a le khotang hinkhua a kilamdanna om tuanlou! Sedeuhdeuh zaw-mah hileh kilawm. Mun dang tamzawte banga kal khat a khatvei khawng sermon za hilehang bang I citaphet di uam ?? Ivun sahdan utuh vokvun hileh lim mah teihteih ven...”
Bukimlouhna khawvel a om, muhdan/ etdan tuam zekzek om thei mah ahi.Hindu sahkhawbu in, "Ngaihdan hoih nounou kilcih apan hongpai mah hen (Let noble ideas come from every corner)" na ci a, Bible ah zong, "Thuhilhmi tampite ah bitna a om (in the multitude of counselors there is safety)" cih i sim hi. Heutupa LT Ngaihte@Kam Ngaihte' muhdan taklat pansan in 'mahni muhdan' gelhkhe di'n heutu khenkhat na kingen hi. Amaute hon gelhkhiak thute anuai ah taklang hang. TOUPA'N sathau hon nilhsak in, A’ lam vak ah simtute honpita hen!
[25/05, 4:47 PM] __: Ei-le-ei kisiamtanna leng hilou in, Pathian mahmah in namdang tengteng lak a Amah adi'a ana teel ISRAEL namte le ei sanga thumanglou zaw ana hi ahi.
Huaichiah, kum 3 val vingveng Toupa Jesu nung ana zui a, A’ thugente 1st hand a ana za Juda Iscariot bang kikhailum thei mawk hi.
Huaichiah, Pathian in Amah pahtawi dinga Ana bawl Lucifer bang setan suak thei mawk ahihchianga, ei pawl lamdang luasa kholloudan ka hi.
Laisiangthou Marka 4 ah, buhchi thehpa in buhchi a theh pen, a kiakna leitang chi 4 om lak ah chi khat maimai lei hoih hia, tua lei hoih a buhchi tukhate chauh a gah kimu hi.
I Pathian pen mial leh vak, midik leh diklou, asia leh apha, belam leh kel, buhsi leh buhtak, piangthak leh piangthaklou, khen Pa hia, ni khat ni chiang in ahonkhen ngei ding. TOUPA, TOUPA HONCHI TENGTENG VANGAM AKAI KEI DINGA......
[25/05, 4:48 PM] __: Kei muhdan in tamlou:
1. Niteng phial a skul kai, a kum a kum asum tampi seng, tha tampi seng, hun tampi seng. Lah pil tuan lou, sepna muzou tuan lou, chi leng a dikna chiang om mahleh, sepna hoih taktak mu, sang pipi tung, dinmun hoihtak neite adi’a applicable lou zel di maw?
2. Kha nasep dan leh apaidan, kuama’n kigen theilou, muh leh kimu theilou. Huaiziaka, I Toupa Jesu’n huih (wind) tawh tehkhin (John 3).Huaiziaka ‘aphatuam kei…’ vachih mawk theihlouh.Awl-awl a kikhekna omdi’n kagingta.“Paul planted, Apollos water God makes it grow” (1 Cor.3:6). Pathian thu (seed) a kituh nakleh bangchik hun chiang hiam in honggah dingin ka gingta.
3. A lompi a kikhek chih vang mahmah- I Toupa Jesu leitunga omlai nangawn inleng a gingta tawh ‘talou tawh om khawm zelzul. Khristian I chih personal relationship ahihziaka “mimal a” kinga liuliau.
4. Huaikawm kal ah, introspection ngai om maithei dingin ka gingta. I approach + method etthak zek ngai maithei.
[25/05, 6:22 PM] __: Pathian thu hichituka zalou hilehang bang I chitazen di ua aw, ka chi hi.
[25/05, 7:06 PM] __: Kei muhdan in, "Pathian thu leh Kha Siangthou in mimal, innkuan,saptuam leh khotang ah mun a neikei" chihna ahi.
[25/05, 8:05 PM] __: Tua thu hon post-tu in, ka muhdan ah, bangtanhiam ana vei mahmah chu hi ding in ka gingta hi. Ke'n leng Pathian thu hizahpi zata hang a HINKHUA KIKHENG kitawm leh vang mahmah tuh diklou om chihna hi peuhmah ding hia maw… Nidang in, "Bible zilzou kitam deuhdeuh, Pastor leng kipung deuhdeuh, Biakinn leh Khristian activities tam deuhdeuh, himahleh i gam ah kikhekna taktak, Khrist a kikhekna omlou," chi in ka na tangkoupih sek hi.
Avek pumpi a ngawhna hilou in, mi hon genna ka theih chiang ah, amasa in thugen siampipi Pathian nasem tamtakte i diktatlouh ziak ua i gah uh sia hiphot ahi. Belamte mawk ngawh theih hinailou in ka thei... "Belampu hoih a tawm ngei e Mangpa na gam ah" chia unau Zou laphuaktuin ana gen, dik sa mahmah ing. https://www.youtube.com/watch?v=vZhkxBJJVL8
Hon gensau lai mai le'ng... Belampute thuneihna kituh om sek hang a, saptuam property kituh chih bang om zawmah lai hang a....khawvel thil i buaipih kal a, i testimony, i belamte adi'a NEKTAK ana hiloudan hi. A belampu lam kia mawhsa chu hizenzen thahlou hahaha. Hilehleng tua i gam omdan a chu nek theih di'a hing kitawm lua chih mai di adiam ah.
[26/05, 10:37 AM] __: Kei muh dan in sihna liim guam tawna pai i hih lam phawk ban nailou i hi dia aw, ka chi hi. I taksa hong beidot chiang in Pathian thu i zakte’n gen a nei di’a, kikhellou hamham ahihleh hampha i hidi’a, Jesu Khrist’ ma ah i nasepte i sit ding.
Biakinn kailoua, hun kibanga thilpiak pekhawm theiloua i om hang in, Toupa’n Amah it mite' aa ding a nasep theihna kong lianpi in hon honsak lai a, I buailouh lai sangmah in i thilpiak uh tamzaw a, Toupa min phat in A tung ah kipahthu i gen hi. Ineih-ilam thupi taktakte leh i sum-le-pai zat seng louhte sangin, kilawhtawm a nekzong kenkente’ thilpiak tamlou loute’n Pathian a tawisang zaw khakha ding....., michih inkipahthu gen kawm in tha-thak la ni. Tawm kha TOUPA di’a na bawl leng A muh a thupi lua hi, A muh a thupi lua hi. I tung ah TOUPA a kipah phot leh, hiite, kialte, khawkhengte, pianken a thil tungthei khatpeuh i siatna ding hilou ding a, A thupina i muhna ding hizaw ding hi.
A tunga ‘kiveelna leh tha kipiakna’ thute tawh tonkhawm mahmah, Mumbai a om heutunu Dr Ruati (w/o Dr. Tonsing Samuel) in I dinna lai uh en kawm aa gelhkhiak thu, anuai ah taklang lai ni hang:
a) Mass exodus from Metropolitan Cities to our own hometown. Lungsim hon khoih mahmah. Ka gam, ka innlum mah kichi hi. Himahleh a kiikte adi’n lamethuai ahidia’m I gam uh?
b) I gam uh makaite’n ana zuak uh (eg. 3 bills, Chandrakirti, etc ziakin), I bit tuan di ua hia?
c) Israel te bangin I gam apat hawlkhiak in I om di uam? (Prophet Jeremiah hunlai leh AD 70 hunlai bangin)
d) “Pathian tate I hi uh”I ki chi. Himahleh I biak Pa Pathian I taihsan ua/ I nung heisan ua, khelh theih zahzah a khelhna a I gamtat uleh, I gam ua pat paihkhiak in I om ding uhi, Israel te bang in. Tutan inle Israel te’n a gam uh khenkhat a tang zou nawnkei uh/ nawn nailou.
e) Election hun chiangin Kha Siangthou kipisakin, heutu muanhuai, Pathian leh a mite it taktakte teelta ni. I vote sum in zuak keini. I vote behpai kei ni. Evangelical Church of Germany te hihkhelh theigige in pilvang ni (amau vote ziaka Hitler telching a om himawk!).
f) Achan/ Akan thei gige ni (Joshua 7). I lak ua Achan kichite ziakin I vuallel kha ding uh. Khalam mit in hakta ni.
