Lai Siangthou sinsakna naikha a I et leh leitung mite group nih in khentheih hi. “Keimah Thutak, Hinna leh Lampi ka hi” a ci, Jesu Khrist um mi leh a umlou (A’ Thu za nailoute huam) mite. A’ Thu um mite sung ah zong ‘Thu za-a zom (atak)’ pawl leh Thu za napi-a ‘zomlou (alem)’ pawl om hi, cihbel theihsa (understood) ahi.
A’ Thu um mi, Delhi a khawsate lak ah pau kitheituah UNAU, Southern Manipur a kipante’n kum 10 paisa May 7 & 8 (2010) in Delhi Phualpi – EBCC Delhi chapel, India Gate, & Dogra Hall (IIT) ah Gospel centenary thanksgiving and celebration I nazangta uh... Ama’n honpi I kipak hi.
Southern Manipur Gospel Centenary @GOSCENT, 2010 Kipahthugenna, Delhi khawpi a zatzawh, celebration committee phiat ahih tawh kiton a piang (an offshoot of GOSCENT, 2010) khat Pastors Prayer Fellowship, Delhi (PPF-D) ahi. PPF-D tungtang heutute’n a ciamtehna uah hici’n nagelh uh –
The tribals of the North-East (India), speaking in their respective dialects - yet understanding each other, held worship services in the National Capital Territory (NCT) of Delhi from time to time which culminated in the celebration of God’s faithfulness - Gospel Centenary in the year 2010, marking the hundredth year of the arrival of the Gospel in the southern part of Manipur. As follow up to the centenary celebration, the Pastors Prayer Fellowship – Delhi (PPF-D) was formally formed and regular prayer meetings held every month thenceforward.
PPF-D, since its formation in 2010, has become an occasion to share concerns and burdens, and collective submission to the Almighty God by the member Pastors, the welfare and Spiritual growth of the parishes being the main purpose of the prayer. In cases of demise of members within its purview, the PPF-D members come together, re-affirm their oneness in Christ Jesus and pay condolences. Similarly, Holy Matrimonial ceremonies taking place are honoured by the Pastors. Newly arrived Pastors too are greeted enthusiastically in the precious name of Lord Jesus Christ and outgoing Pastors seen off ceremoniously by the PPF-D.
Corona Virus (Covid-19) pulnatna hii-leng in leitung maikaih tuam a buaina huaisetak phutkhak ahihlai in, Delhi hanmual Christian Cemetery, Sector-24, (Opp. Sector 18b & 19b), Dwarka a vuiliam PPF-D khazaknuai ah member bangzah hiam om. Amaute I it in I suun hi. Hiai bang hun a hanmual lam a na inntek pan thei zelzel Pastor Letlal, TJC in a FB page “LetlalHaokip”a experience a gelhna ah,“Never say ‘NO’ when you are in a position to help!”Aban a genna ah, “We may think that we are from different tribes and regions but in reality, not only the Bible says we are one in Christ, “so in Christ we, though many, form one body, and each member belongs to all the other. (Romans 12:5) And the whole of India looks at us as one unit, as a whole,” ci lai hi.
Lockdown sung a hanmual a vuiliam i sanggamte, pulnatna hiipi lenlai a si na hita mahle uh damlouhna tuamtuam ziak a hon na beisan ahi uh. Covid-19 hiipi in a nawkkhak imi-isa, theihkhiak masak nihte (April 16 in ahi) ahihleh, Pasian hehpihna tawh damdawi-inn apan pusuahsak tuak hita ua, amaute nung a case zak khak om khenkhatte zong TOUPA’N hon kepsak a, dinmun selaw zen omlou uh cih, muanhuaitak apan zak ahi. “TOUPA aw k’on ngen hi Na khut in hon len in Na itna hoihna MUTHEI GIGE di’n…” cih I thumna laa hita hen!
Covid-19 pulnatna in hontuam, damloute etkolna a matawng, Hospital a seem nurse khenkhatte’n mahni thumpih ngai kisakna, banah damlou thumpih tuak omte genna di’n Pastor 3 (EBCC Delhi leh CD)te na thuzak uhi. Huci’n Upa (Dr.) Langkham in 26.05.2017 a ana pat, Prayer Support Group (Nurses prayer network WhatsApp group) tawh hong kizom mat in, a’ Admin. (Upa LK), Pastor-te leh Nurses pawl khatte hanciamna tawh NCR of Delhi huamsung damdawi-inn tuamtuam a seem Nurse-te min kaikhawm, tuate sehkhen nawn in, 31.03.2020 apan ani-ani (daily basis) in MIN bangzah hiam khahkhiak a om in kithumpih-tuahna ‘tatsatlou’ in pai hi. Hiai panlakna a na inntekpan Bengali Colony a om, Nu Nemkhanmawi, Sr Nursing Officer, DDU Hospital in a genna ah:
“…poimawh sakna lian,a organiser/ host omlou lah nalh salou deuh zel, huci’n Bengali Colony Prayer Cell min in 31.03.2020 in ‘Daily Prayer Request, Please Pray for Health Workers working at….’ci in – abiik in EBCC Delhi & CD a minkhum Nurses te min tuanna mob version laidal thumpih di’a hawmna na pan ung. Hucia, hospital-wise a Nurse-te min thumpih di’a kaikhawm, lemkhawm & niteng a khahkhiak zel vial (round) khat zawh, avial nihna 21.04.2020 a kipan ah Manipur akipan Delhi a seem Nurse theih khakzawh zahzahte – unau Meiteite tanpha tel in puanbuuk kikaipalh a, prayer network host-tu min mah le, "Prayer Support Group, New Delhi” kicita hi. A omdan bel, Nurse-te’n recognised group chih dan bangmah kinei tuanlou, tribal nurses WhatsApp group chihkhawng na om taleh le ki-organise lua hilou cih ziak a na kigamtang ahi. I galvan hoihpen Thumna mah sunzom thei in I om ua, kipahhuai; thummite’ thumna, TOUPA a thawn hetlou ahi. I pulnatna dou vaiveng nailou ahihman in thumtute’n, seemtute leh damloute na thumna uah hon naphawk/ tuam zomzel un…” ci hi.
Heutupa (Upa) LiandingGuite in, laa a gelhna ah: “Tuni'n bang teng hong tung diing hiam Zingchiang bang ni suak diam Mailam hun bang hong chi diing hiam Khatzong ken ka theilou, Toupa Nang k'on muang hi…” ana cih thu poimawhlua leh thudik ahi. Tutung DEW issue ah dd-inn lam a seem I Nurse-te thugelh nih hong tuang thei hi – (i) A KIPATNA LEL AHI (By Nu MeenuNgaihlian, SJH) leh (ii) SEPNA & ZIRNA MUN A HAKSA PHUTKHAK HUN IN… (By Nu Luni Munluah, AIIMS). Tuate leh thugelh dangdang suah a omte limtak na sim a, Khalam salam vualzawlna dongtu/tangtu khat na hih diing deihsak thu ka honlan hi. A’ Thu um mi, eitelak ah unau ki-itna om zelta hen!
