A tunga thulu pansan in Lai Siangthou a i muh bangbang thu saulou lou beu 3 kikumkhawm le’ng ci I hi, unau. Ngaak (Waiting), Ngen (Ask), Si di leh hing di’a kiman (ready to live and to die). TOUPA’N gelhkhiak thute sathau hong nilhsak hen aw!
✓ Jesu vankah, Bethany a etliam zawh ah kipan ahi I gen
✓ Nungzuite, Amah bia in leh kipaktak in Jerusalem ah kiik uh
✓ Jerusalem biakinn ah Pasian phat leh bia in omzom zel uh
✓ Pa Thuciam, tunglam akipan thilhihtheihna a thop (endued with power from on high) ahihma uh, Jerusalem khawpi ah om kinken uh (continually praising & blessing God).
Kha Siangthou ngaak a ngaih hun om, ngaak I cih pen khutzep a om maimaina hilou in Pasian' phatna & biakna neih zom zelna gen I hi. Thil i ngaak leh bel hongtun hun om sek ahi. Kha Sianthou nasep ngen, ngaak leh tang cih tungtang, experience gen di na nei hia, sanggam?
✓ 'Buh laak' cih in a gen Jesu' khebul tut di, tut kisam, mangthang khate hi.
✓ Jesu' khebul tut kisam, leitung maikaih ah kha mangthang tam mahmah hi
✓ Scheme & strategy hoihtak bawl a, a' mi leh sum-le-pai omta cih hun a kipat maitheih adia'm?
✓ Jesu Khrist khebul a kum 3 training la zoute bang le zaw, mawk kuankhiak kei ve uh aw!
✓ Buh la diing, a seem diing mite sawl di'n TOUPA ngen un, cih gelh ahi (t.38). Hiai in agen ei awlmawh thu, gensiam (smart) thu himasa lou in, TOUPA kianga A' thu tut phot di (toukouh masak di) ahihdan, huci'a, Amah mah in veina, itna, puakgik, kuankhiak utna/ thawh utna cihte mite A piak/ got dungzui a thil hongpai hithit di hitah e cih phawkhuai hi maw, unau.
Hiai a i gen buh laak tungtang leh Kha Siangthou ngaak i cih te thu kizom (kinai) lua hi. Ps 100: 2 a I muh “kipak kawma TOUPA nasep” cih leh, Jn 15: 16 a “gahsuahna” kigente, Kha Siangthou pang lou in hitheilou, piang ngeingei lou diing hi, maw Sanggam. Holy Spirit is no respecter of persons, cih ahi.
✓ Paul, Jesu Khrist tawh kilhden a omta, himahleh hing; A’ sihna leh thawhnawnna koppih gingtu muanhuai khat ahi.
✓ Ama’n simlei nutsiat a Khrist, a Honpa tawh omkhawm di uthuaisa, huai le amah adi'a hoihzaw tham (is far better), ci lai.
✓ Ahizong, a hinpih mite khualna ziak liauliau a pumpi-a a omlai pen poimawh zaw zel (more needful for them) cihdan ahi.
Paul' lungbuaina bang – sih di a.k.l. hinlai di - lungbuaina (nervous tellou) na neita hiam, unau? Hing napi lung (worm) hin-a-hing cih omthei ahi. Na simlei inn pawtsan nailou a na om pen, TOUPA'N nang tungtawn a sep nop A neih lai ziak hithei hi. Tua theikhia leh huai seem minu/ mipa na hihleh mi hampha na hi. Amen?
Pasian mai-a kimuanna i neih hiai hichauh ei, guai. Amah' deihlam thil khatpeuh i nget ciangin, Ama'n a hon ngaikhia, cih. Ama'n i nget peuhmah hon ngaikhia cih i theih ciang in, Amah apan i nget pen i ngah, cih i thei hi (1 Jn. 5: 14-15). Hamphathuai lawmlawm. Hallelujah!
