Dotna 1: Heutupa, Covid-19 hiileng leh lockdown 24/03 apan hong om tungtawna 'zilkhiak, muhthak' na neih omlaw di hivaw. Omleh, tuate point bangzah hiam n'on kum thei dia'm?
Dawnna: Dengdel – Hiai thumal lungsim ah lian in gingden hi.
- Mihing hinna dengdel mahmah hi. Hitang chikhat mak deuh corona virus hongsuak a, sihpih theih hithei mawk hi.
- Sum-le-pai hauhsakna dengdel ahi. Gamahausa penpen USA leh Europe gamte leng Covid-19 ma ah pangzou hetlou uhi. Sum-le-pai in hinna vengbit zoulou hi.
- Dinmun san ziak in dengdellou tuanlou hi. UKte PM bang, Doctor Sailo leh doctor leh nurse te bang le damlouhna in phaban veve hi.
- Pilna-siamna I chihte dengdel ahi. WHO leh telsuimi (scientist) te bangle a’ siamna un mupha veklou, kikepdidan a gente uh bang hong kikhek simsim theimawk.
- Diktatlouhna gah lauhhuai hi. Eilak khawnga midangte’ sika damdawi-inn aseemte bangin damlouhna leh sihna bang tuak guihhita zenzen le uh bangchi ding chih, a lungzinhuai didan ngaihtuah ngamhuai kasakei hi.
- Bible Thutak dikdan kimu deuhdeuh hi
- Pathian in thillamdang, taanglaia ahihte Pharaoh leh Mosi hun-ate banga nak hihihtheih lua ahihdan chiang seemseem.
- Bible genkholhnate dikzel ahi – natna chidang leh kial chihte hongtungguih mawk
- Bible genbanga hinkhua zat hun petmah hita chih honhilh.
- Bible gen, hun nanung a gingtute laktouhna leh Jesu hongpainawnna bang hongtung guih hitaleh – bangchi ding, kikhen vengvung petmah kha ding… chihte in, innkuan tanau lainate tawh kisai nakpi-a kingaihtuahna honpia.
- Thilbangkim hihthei Pathian’ mai-a mihingte ‘bangmahlou’ I hihdan hon musak tuantuan hi.
Dotna 2: Kipak e. Medical doctor leh orden Upa (senior citizen) khat hihna ah, hibang duaisan lou hiileng gam pumpi'n a tuah laitakin dd-inn lam a seemtu doctor, nurse & health workers' lungput di'a hoih nasak... leh, saptuam member etkol nei Belampute' lungput, banah panlak didan a hoih na sak omte saulou n'on gen thei dia'm?
Dawnna:
- Nurses, Doctors, Medical Staffs frontline army te ahi uh. Tunia India adi’a sepaih galmatawnga dingte ahi uh.
- Jesu neite, khua-le-tui(citizen) hihna nih neite ahi uh. Leitung gammi (Indian Army) leh vantung gammi (Mangpen Sepaih) hihna neite ahi uh.
- Galvan thuahnih neite leh Kipahman thuahnih tang dingte ahi uh.
- LAUHNA sukbuaina pela omte Pathian thawpna tawh itna nasep seem theiteahi uh.
- Sihna tuakle uh le inn tung veve dingte ahi uh. Gal douna ah si in hing le uh leng, inn tung di hiveve uh.“I dam leh leitung a i innkuante lak tungkik ding, galdouna-a I vasih hial le zong vantunga inn (i Pa kiang) tung veve ding hihang,” chi theite hi uh.
- Belampute, Army Chaplain naseemte hi ua, tua role a play uh ngaiahi. Galkapte kuanna mun dingte lungsima suangtuah thei, utleh utlouh gentheilou, duty paina ding poimawh ahihziak a paite, midang teng adi’a,“Inn a om hithiat damna ahi, pusuak mahmah kei un” akichihchihlai-a, amau (kuankhiakkisam)te tawh lungsim munkhatpu, belampuhih ngai;
- A min uh leh a sepna uh lou a thum ding.
- A innkuante uh phawka thumpih di. A taksap uh leh a lunghihmawhnate uh phawkpih ding.
- Thauvui thautang sika damdawi-inn a a vanzatte uh + agaldoupih uh, a teamte aa dinga thumsak ding, a diaka heutute adi’n.
- Setan gal doupih. Jesu Lallukhu zemna di’a paknamtui hong hihna di ua thumpih ding.
- Counseling support pe ding. Phone theihte phone, a poimawh uh zila thumpih ding.
- Hihdan chikhat. I nurse-te uh leh a sepna munte uh notebook a gelhkhiak, Amin uhleh asepna mun uh minte lou a thum bang simpha deuh in ngaihnathuai tuam sese hi.
Dotna 3: EBCC Delhi a member muanhuai, Local Chairman dinmun term 3 (01.01.2001-31.12.2001, 01.01.2002-31.12.2002, leh 01.01.2004-31.03.2005) lenkha ngei hihna ah, tulai taka heutute'n Lockdown response ahon bawlpih dan uh bangci nasa?Local Chairman hunsung a TOUPA' ompihna tawh sepkhak-bawlkhak om, hon lungnuam sak om tham di maw. Thiltung khat-le-nih hon-gen ve.
Dawnna:
Bible ah "seizing the opportunity" chih I mu. Hun hong kikheka, ngeina a koihte hongkikhek guih chiangin "ihmu khanglou" banga, i thiltuah a dinmun kikhek a bang teng hih leng hoihpen ding hiam chih heutu dinmun a dingte adi’n poimawh hi.
- Relief: Sepna kuan zom theilou nek-le-dawn abuaithei ikim-ikiang ah om uhiam chih I ngaihtuahna-a om masapen ahih ding ahi. I belamte lakah tasam om hiam, innkim-innpam ah la…? chia mitvaak, bil dawhsiam kisam hi. Hiai lampang unau Punjabite bang siam diak uh.
- Hunawl zatdan siam kisin di: Hunawl nei ngeilou kisate’n hunawl nei ua, mahni inn a kibukhum hun ahih chiangin Khalam thil ah hun bang chi zat theih ahi di’a chih ngaihtuah siamle nakpi a phattuampih theih ahi. Etsakna di’n –
- Sunday Skul sinlai simchiat hun hihsak. “Kal tenga online test om di ahi” chile nakisim chiat di. Dotnop neite adi’a dot hun, kupnop neite adi’a Pastorte kikuppih theih hun, leh adangdang hunlem bawl le kiphattuampih di.
- Naupang SS online bangle ahih utte hihpih di chile, anu-le-pate uh phone khawng honkhela hong online thei mai di uh.
- Mimal leh innkuante phone zanga kikan hun, zat manphat theihlua ahi.
- Counseling hun manpha taka zattheihna hun ahi. Haksatna tuam neite, ginna hatte kipahtak hun,a hatloutekikan hun,lunglengte kikan hun,kuamah phawk khaklouh saptuam record a omte, adiaka hong kipethak deuhte bang,kikan hun ahi.
- Mimal a hun zat manphat hun. Thumna hun, Bible sim hun, laibu hoihte sim hun a zat trang/pangkai hun ahi.
- Innkuan a hun zatkhop hun. Innkuan kikhopna hun. Tate/ Pate tawh lunglutna genkhawm hun. Mun khat a omkhawmloute ki-call hun. Chiamnuih genkhawm hun. Laa sakkhawm hun. Video pictures etkhawm hun. Ki-communicate hun manpha zat hun.
Dotna 4: Southern Manipur (Lamka) leh Lamka suak, mundang a omkhia Khristiante lak-ah, hotdamna & tua hotdamna hinkhiakpihna lam lawhsam (a fuhlou om) sakna thugen kiza zeuhzeuh. Hiai tungtang nang muhdan theih uthuai e... Tulai taka Evangelist/ Speaker-te'n ahih (uangbawl) di ua hoih nasak omleh, tua huamtel in.
Dawnna:
- Lamka (Southern Manipur) lamsuak Khristiante hinkhua gahsuahlou: Atangpi a I hinkhua a gahsuahlou sakna kigen om zel mah hi. Lamdangle sakhuai mahmah ahi. Midang tawh kitehna sang mah inle Bible a gingtu masate banga i Khristian hihna i hinpihna kilang zoulou sakna a om thudik mah hi. Etsakna di’n -
- Pathianni/ Nipini a fel mahmah, hapta kal sunga lah zu leh sa kham a buaithei omte. Tuate piangthak uhia hilou theihkak haksa. Kizatna fel mawhlou or fel mahmah. Lah social drinking khelhna hikei chih ngaihdan nei-a vadawn a lah kidaamtheilou. Inn leh loua gamtat tuam.
- Innlam a office-te banga nekguk-takguk uang mahmah. Huailou a thilpai theilou bang a om. Upate natan office leh sepna muna nekguk-golhguk thu a anetu ahihkeileh apetu khawnga pang.
- Diklou a certificate piak/laak poisakna neilou. Driving licence, birth certificate, leh adangdang
- Politics vai kigolha guptuam/ belhtuam nei a omna. Kilangkhenna. Delhi leh khawpi danga omte nasan kilangpanna a galtelna (participation/ involvement).
- Dikloutaka thil hihte. Sepna muna omlou. Mi taanga seem. Sepna a kiguaisawn. Mimin a ticket diklou zuak/lei/khualzin.
- Sumpung delh. 10%, 5%, 2% chih khawng. Compound interest ne.
- Contract vai diklou tamlua. Amau sepdi bang a seemlou. Apung tamlua muhsawm. Anekpih (kiguizoppih) tamlua. Sepna nei kawma contract naseem.
- Sepna a seem ginalou. Office kai kuanhak, paibaih. Office a honghawh mite sumlou, singpi khilai louha panpihlou.
- BPL card leh migentheite card.Eligible hiloupi, a nei tam lua. Amu di’a kilawmlou amu tamlua hiding.
- Sumdawnna diklou.Khamtheih a sumdawng, solkar thilkham khatpeuh peuha sumdawng -Chingpi kap, gamsa kap leh zuaka sumdawng, leh adg. dg.
Hiaitelou leng genbeh di tam, gen seeng hilou ahi. Hiaite Khristiante hih ding a kilawmleh dik mah I chithei dia’m?
Khristian, mi piangthak kichite i gamtat leh i hinkhuate en in mite’n Lamka (Southern Manipur) akipan Khristiante i ginna kingakna hon ginglel sek mah uhi.
2. Hiaite bangziak ahi di’a? Ikisinsakna dik zoulou, kim zoulou mah ahi dia’m?
- Pianthakna chialpi tam.Ei gam leh eimite lak banga uang bawlna tamlou ahi, kichi. Khelhna thu, tatna thu,ngaihdamna thu, vangam tanchin ei kisinsakna banga kisinsakna hoih mu (zarzou) mi tamlou ding ahi, kichi.
- Bible siamna sang nei tam. Denomination tuamtuam tam
- Biakinn tam, pastorte leh orden upate tam.Hiaite per Sq. Km in suut le, Lamka bang omlou ding. Kumteng a piangthak zah suutle tua bang mah. Thawhlawm thilpiak saptuam budget sang hiaihiai.
- Sihni-manni chi’a saptuam a minkhumna nei saptuam sik-a thugentu di nei 100% phial hi ding.
- Hiaite akoilai a diklou ahi ding? Mawlchikin point bangzah hiam i en di.
- Tangthupha kihahgenna ah i melmapa setan leng hahpan seema honsukbuai dan tamseem ahi di’n kagingta. Hiai ziaka pan a khawhdan tuamtuam om.
- Pianthakna kihah gen. Nungzuihna gen leh kisinsakna tawm phethilou in omlou phial.
- Pianthakna leh Jesu nungzuihna akitonpah ding pen kigenkhawmlou, kituam bawlkha ahidia’m?
- Piangthakte role model di tawmlua. Ettontaak di’a pastor leh upate omlou. Biakinn sunglou ngal, a tutna munte uh tuamlou kha nak. Omdan, gamtat dan leh paukama tuamna muhdi omlou nak.
- Biakinn kikhawm tawm lua.Kisinsakna pai, ngaikhia-a lasawndi kikhawm mi tawm law-ta.
- Mimal Khristian hinkhua khanna ding, personal mimal devotion uang bawlna tawm. Bible a khanna, thumna khannate kipibawllou.Thilpiak I piaknak leh hun kisa bang, a poimawh dangte kinapnul.
- Thilpiak kipahpih, apetute hinkhua ki-awlmawhlou. Apia-pia, piak pepeuh kipahpih hile kilawm ets. Dikloutaka summuh.
- Pathian mina thillat ki-uang bawl. Diktaka muhna hiloute tanpha le siampu puan tawh kilan khanak. Azatna dilam ki-enzui lou.
- Thawhlawm kipahpih. Apetute hinkhua ki-enlou. Amaule, apiaknak uh leh adangte-a vakisuuk nawnpilou.
# Pathian Khasiangthou in lungtang sunga nna asep kipoimawh.
# Thugente, Khasiangthou thopna, Toupa’n a muk ua A’ Thu a koihte leh tuate kia genkhiat puankhiak kipoimawh.
# Pentecostni tunna di’a thummi, ngaak mite bang Khasiangthou nasepna lunggulha Amah ngaakmite kipoimawh.
# Thugentute’n thumna a gal doupih mi, nadoupih di poimawh petmah uh.
# Thumpihtu poimawh
# Hotdamna I chih piangthak, huaituh mihingthak suak in hinkhua thak a hing chihna ahi. Jesu I hondampa I pom hunhuna a kizuipah ding mihingthak hihna hinkhua ahi. Hiai dingakichialpina, kichiilna, kipiina omtam mahmah leh deihhuai kasa.
Dotna 5: Finally, 'Social media impact' kici om lua ahi. Ei Zo suan (pau kitheituah)te lak ah social media zatdan, i phattuampih un na thei hia? "Hicidan in aneu-alian in zang le'ng kiphattuampih seem lai kha di hivaw" cih lungsim a om bangbang aw.
Dawnna:
Social media zatna, means of communication akhang-akhang in hong kikheng. Tulai hun a kithuzaktuahna TV leh online media-te hat petmah. Zatdan hoih zuite adi’a hoih leh phatuam petmah. Azang khial azang dikloute adi’a thilpoilua tuntu hizel.
Zatna hoih khenkhatte
- Innkuan kithuzakna leh kichimatna
- Information hoih tampi muhna, kizilna leh kikupna
- Vdo hoih leh sermonte ngaikhia a mahni Khristian hinkhua hatsakna
- Entertainment hun nupa or innkuan or lawmte tawh etkhawm theihna etc
- Naupangte kimawlna, kisinna hoihpipi tampi om
- Kikantuahna, kithumsakna, kihasotna leh ministry a zat theih
Zatna lauhhuai/ pilvanhuai khenkhatte
- Facebook leh adangte zang in lawmhoihloupite’ friend pih khaktheih
- Limlakte midang in na tuahsawn a hoihlou taka na zangthei uh
- Na hinkhua detals fb leh phone a na hihkhak/koihkhak tengteng google cloud khawnga omden.
- Phone/msg tungtawna kikhemna ommun. Huaibang mikhem sawmte msg/ mail chihte omden. Apilvangloute khemzawha omnak uh.
- Forward message thudik thuhoih ahih keileh mawk forward pahpah louh di.
- Damlou leh sihna tawh kisai bang, milim khawng, mi detail khawng amau phalna lalou a pawng taaklat louhhial ding.
FB, WhatsApp, etc atawmtheipen a zat sawm ding ahi, hun tam lalua ahihman in. Keibang inle (social media in) hun tam lalua ana hi taktak e chi ka hi.
