Dotna: Missions Tuailai 2020 toh kisai in ah kholai thuthang hitaleh motivation pai a mite hanthawn a, ahihkeileh hiai nasepna ding toh kisal a hiai khawmpi toh kisai mite na vaksakna leh a biiktak in tuailaite a ding bang a training ahihkeileh seminar ahihkeileh tuabang a kisinsakna tuamtuam sai ding chi in ah team Barnabas leh Paul te’n ah saptuam bang ahong veh ua motivation bang apai uh a, himahleh program bangzah hiam cancel (khawlsak phot a om) ahi chih akithei a, poi akisa mahmah. Hiai toh kisai in team leader, heutupa Jimmy in entute theih ding in ah chiangzaw sem gen theih a neihleh amah hun i pe di.
Dawnna: Amasa in ah hichibang hunlem hun manpha honpia organizer-te leh Pathian kiang ah kipahthu ka gen masa ahi. Hiai motivation toh kisai plan dan a pai hileh kou teamte tulaitak a Shillong a om di dan ka hi ua. Hiai plan pen kizui nawnlou ahita a, himahleh i tuppen paisuaklai, huai hih kipahhuai mahmah ahi. Aziak, motivation i bawl chiang a khopi lam tulai, tukha leh khanawn bang khopi lam nasatak a kalsuan di, tutan a Lamka zaang zoukhinta di chihdan ahi. Huai a i tup tuh tup-le-ngimte mi’n hon theihpih uh henla, i kalsuan didan banah I nna sem le’ng chih ahi a, huai pen ei gelphak hilou in Pathian in plan hon bawlsak a, motivation huai a ka vapai ua khat-le-nih dakkal khat dakkal nih ka vazat sang un tu’n ka gel ban uah foreign tanpha a hiai motivation pai ahihtak ziakin ei gel s’a Pathian in hiai poimohsa hizaw di’a motivation nasa zawsem a hon bawlsak hia muhtheih a a-om ziak in kilawp mahmah ka hi uh chi in k’on dawng masa di.
Dotna: Chihleh heutupa, tua program khenkhat I zat theihlouh omte maban hunlemtang ah zat theih di plan omthei dia’m? Aziak tuh tuailai tampitak hiai di a na kisakhol, ut mahmah, training ding a kipia mi bangzahhiam omta ahihman in, amaute khualna ziak in hichi’a hitheilou hive’n chia cancel top mai di adia’m ahihkeileh hun dang na hon bawlsak thei di uam chih viewer-te’n a theinopte laka khat ahi.
Dawnna: Kipahhuai e. Cancel sawm hetlou I hi I chi dia, Pathian honpi dan khat om a i muh zawkziak in, ei plan pen dan hi nawnlou in tu’n Pathian in a steering wheel lenta in i mu zaw-a, huaiziakin tua haksatna I chihte haksatna dan in team in a kimu kei a, opportunity dan in a kimuzaw hi. Hiai bangchi dan hiam I chihleh tu’n Pathian in a ground prepare in I mu a. Mihingte hih local context ah, ei lakah en lele Khristian sapsap le haksatna i tuah chiang in ah Pathian i naihzaw a, huchia gingloute lak bang ah le hichibang haksatna tawpkhawk hong tun chiang in ah banghiam khat supernatural power khat ana ngaisang uh ahi. Huaiziakin hiai hunlemtang Pathian hon bawlsak hi’n i muzaw a, huaiziakin tulaitak Pathian in, e’n motivation pan a mi i prepare sawm sang in Ama’n, a ground ana prepare in i mu a, i tuailaite tam lunglut zaw in i mu a, huaiziakin hiai hongven chikchik chia Pathian in hunlem hon piak ngeingei letuh atamzaw kikapkhe di I hi chih kou muhdan ahi.
Huaiziakin ‘cancel’ chih lamlam sang in gensau lai zek le’ng i economy bang hon nak sukkhak law di chih i thei. Americate, tubang inle a million a sim in a sepna uh a sumangta ua, UK ah le British Airways te bang in asing-a-sim a semtute uh tawpsak ua, huaiziakin in economy hong buai di huai hongbuai chiang a mipite hong patau di uh. Huai hun kha ei kikapkhiakna hun di’a Pathian in Ana seh ahi di’a aw chia ka ngaihtuahna om ziak in, MT-2020 hih cancel zenzenlou a Pathian in steering wheel lenta ka chihmah bang in; “lenta ahihziak in” huai ah Amah honpi dandan zui di’n kimansa in om le’ng huai fruitful pen di’n ka ngaihtuah hi.
[A tunga dotna leh dawnna, 03.04.2020 @8.00 PM | Mini-Auditorium, Dorcas Hall, New Lamka akipan a hong kikhah ONLINE SERMON Series - “Discussion, Thanksgiving and Prayer Fellowship” neih hun houlimna apan teikhiak ahi. Link ah audio leh video om: https://youtu.be/QymVBQSL4Jc. Blessings!].
