Pathian limsak tuailai ahih le bel, thugen kia le siam hilou a sep khiat lam a le siam ding ahi a. Pathian limsak chih chiah bel mite et ton tak ding leh makai muanhuai khat. E jil khiak dile tampi a om mahmah a; Laisiangthou apat a Abel in a ELOIM mai a aisan apat a Jesu’n khovel kum zabi sang-nih paisa a khovel a, a nungzui di a kaikhkom te leh ei ginglou te adia tangtawn lampi di honseh sak leh kha lam a hihvak a i om nung a, ei nungzuite tawn danding lampi a kiseh a. Pathian phok lou le ging lou mihoih leng tampi a om a, himah leh amah kia tangtawn hinalampi om pen chouh ahi; Amah lampi tawn lou te sihna lampi vakvai vek ahi. Huchih nung a zong ei thulim loute adia lampi honna seh sak pen, i tawt nak ale bel halh thak na kimu ding, halhthak na I muhdite sim khom ni e.
Pathian mite, zawlnei leh gingtu mi tampi te apat, amah limsak le etton theih limsak huai te ahih le bel:
KHALAM a hatdi - Laisiangthou thu, i simte ging leh muan ban a, ginna toh thumna a Pathian houpih gige di, aziak bel amah limsak I hih theih nang a, amah mah belh ngai. A tawmpen leh patna hiaigel en i hihzo ngai ahi, hi keile tulai khovel paidan i etet leh, puk nadi leh hon mitdel sak tudi tampeuh mah e(mobile, thuthang aw, thil zak, sim leh muhte bang in a phok louh a ana thuzoh thei lotel). Huai ziak a khalam kisuk hat ngai ahi.
KI NGAI NIAM di - Laisiangthou a, i muh bang a Pathian apat kipat na leh tawp na himai, tangtawn tangtawn pa mai a bangmah lou kihi ahi. Mosi a dang awk in pausiam kei le leh, toupa kha siangthou toh pang a, a mitel Israel te Aigupta gam suak apat kaikhia ahi a. Saul inle a kumpi hih na manthat di lau a David thah somden a; David in a kawkhuk a kibuk san a, Saul pen pathian thau nilh ahih man a bang mah loh lou a puan mong at sak a. Daniel bang le humpinelkai buk a sahang te nek dia kipailut himah le Pathian in angel te humbit dia sawl.
Mosi, David, Daniel gen khak ten a van a Pa khut a kipe khia ua, a thupiak te lunkiat hun ale taisan lou a koih masak ban a, ki koih niam a nial lou a semkhe dia mansa gige a om ahi uh.
KUHKAL leh CHITAK di - Nasep leh hih khiak peuh te hoih tak a sem a, diktat tak a neih leh lamte mu dia pan lathak gige apoi moh. Joseph tanchin abang, Potifar nuai a sem a, a ji in a enla a lup pih som ale utlou a tai khia a suangkulh a mat tang nung ale a suak pihte mang let leh panpih a hunte zang a, Pathina mai a chihtak tak a om veve a, anung sawt lou a potifar nuai chet a thulian nei penpen a pang ahi. Job bang le Beelzebub in Yahweh a chou na a amah neih teng laksak leng nang hon taisan di ahi chih ahi a, a nei le lam tengteng lak mang sak a natna leh meima chiteng a pumpi a piak leh gawt nung a, taisan lou a om giugeu a, toupan a manthat tengteng aleh nih a vualzawl nawn hi. Joseph leh Job te, Pathian a kuhkal leh chitak a kibul phuh na kiptak nei ua amau pangzoh nate ziak a vual zawl a om uh hi.
ITNA leh KIPIAK ZOH NA– Chih chiah bel sum le pai chouh hilou a, tha, lungsim, hun, kha lam leh salam a pathian na sem dia kipiak khiak na ban a, amah adia nungzui muanhuai diktat leh ginom khat mi hihdi ahi. Jonathan in David pen Pathian tel ahi chih a theih in a haza het lou a, amah aki it bang a it a, kilom hoih pih mahmah a, a pa Saul in a David a that som ale lauh hetlou a ana hilh a tai mang dia sawl ahi. Jesu inle eite cross a i khelh na tengteng cross a hontan a pathian toh kizopna tan pen amah tung tawn a pehkik nawn a om ahi.
Kumpi Xerxes mipil Haman in judah tengteng thah chimit som lai a, huai a tangtung louh nang a Mordekai in a Esther va vau hilh a, Esther inle kumpi pa mu peuh te that ding ahi chih nung ale sidia mansa a vaki muhpih a, huai in a a mite hotdamna tung tu khat suak ahi.
Jonathan, Jesu leh Esther te amau adi kia a hing lou ua, midang theihlouh theih phak louh te adia kipia ahi ua huai ban a lungsim leh lungtang lian leh piching ahi mahmah ahi uh.
KI THUZOHNA– Mihing kua mah hoih bukim omlou huai ban a ngaih tuah na ahih keile khut nasep khiakte a om phut, gen phut, tual that, thang tat, heh pah, kamsia gen, ngaihtuah na gilou, hazat na leh adangadang tampi neivek I hi uh. Noah hun lai a hiai te hah uat lua a tuichim tung. Noah hunlai a, a kimleh kiangte sia mahmah, himah leh huai teng teng vazui lou a pathian mah a kip leh ki thuzoh ahih man in a suahtakna amu hi. Huaite ban a zawl nei ahihkei le pastor te kikup pih a, Pathain kiah hatna le ngaihdam nate ngen le piak a e omdi.
Ki thuzohna eikia a mawk hih theih vual hilou ahi pathian toh chouh a hih zo ahi.
NUN NEM NA /DOH ZOU NA- Bang chi tuk a hak satna, hoihlou na leh khemna tuak le hang huaite ki zousak lou a pathain en ton a ngaidam leh jilkhiak na a zat theih di tampi om ahi. Hanna bang le Peniah in a tapa leh tanu tampi aneih te sial gige ahi; Pathain inle Hanna kumteng a temple a hoh na a khitui luang a tapa a nget amu a, a tapa piak pen lankhia a Samuel chih a sap ahih, tuni tan a Israel te zawlnei lian penpen te lak a tel ahi. Tapa taimang ale a pa gou kimkhat toh azin mang nung a ava zat bei nung a tapa inn a kik a, apa in a khut zak sa a duat tak leh nemtak a ana sang kik ahi a. Jesu le kizuak numei a tuah a mipite ten a, a deng lup somlai ua aman a nouteng lak a khelh na neilou penpen in deng lum uau achi a himahleh a deng thei di omlou a mipite te a beitak in a jesu khail nonken la inn a lungmuang tak in pai in a chi hi. Hannah, Taimang pa, Jesu amau ten a thuak zohna le lungsim pii na leh diktat na a tawn dan et tehih di kimu ahi.
SIANGTHOUNA- Siangthouna kichih chiang a salam leh pumpi siangthouna hilou in a khalam leh ngaihtuahna ahi zo. Gendan dan khat ahih le chu pathian lungtang (heart) David dan a delh le chihna ahi. Ei kia chouh a siangthou lou i hi ua, Jesu in cross a khelh na man hon piak sak I pom a ging ale khasiangthou in eite honlua a huai ban a khasiangthou pen in a siangthou na hon tung ding ahi. Pa lampi lou tawt di dang lampi dang omlouh ahi a, hi mah le et ton di Enok, Noah, Levi, Mosi, Jesu chite te leh adang le khovel a Pathian tawh ton khawm ua, eile pathian toh kiton khawm le hih siangthou leh amah lamet bang tak a nungzuina ban a lungmuang tak a Pathian siang thou bang a enle kop pih theih ahi.
Pathian limsak tuailai i gen chiang a, a tung a thugelh tampi te leh tangthu te apat a muh te bel KHALAM HATNA, KI NGAI NIAM, KUHKAL leh CHITAK, ITNA leh KI PIAK ZOH NA, KITHUZOHNA, NUNNEMNA /DOHZOHNA, SIANGTHOUNA. Ama sa pen in a pathian kiah kipah thu genna I nei di ua aziak bel ei tuailai ten a e thugen/ phatna, zil laidi, theih di, nasep leh nungzui toh kisai a tampi zil lai dileh adang adang tampi te hih theih nadi hunpha te piak I hih man in a kipah huai lua ahi. I niteng tawndan ding le hin dan ding lampi zuihding hon sehsak te bang. A last na le a zoh nadin a i theih dia kon deih sak vek ahih le bel pathian kiang a haksat nate tung theih na gige pa muan huai tak ahi a, e maban amah khut a kipiak khiak aleh kha muan na hin khua kinei ding ahi.
