Vualzawl A Om - Bang Ziak?

Pathian in Abram kiangah a tenna khua, a tanaute leh pa inn paisan a pawtkhe ding a sawl in, “Chi thupi mahmah in ko’n bawl dia, vual ka hon zawl dia, na min ka hih thupi ding. Nang vualzawlna na hi ding” chi in chiam hi.

Bang ziaka Abram pen tak sap a om ahia? Bang criteria zang a Pathian in sam ahia? A inn-sakpa, a inn-khangpa, a inn-kongpa hiam a phaitampa chih khawng sap khaklouh a om uh bang ziak ahia? Koi mah a kigen lou ahihmanin I thei kei. Abram a hoih tuam bikna chih leng a kigen sam kei.

Gen 18: 18 – 19 ah hichi’n Pathian in gen hi “Abraham lah chi thupi leh thilhihthei tak ahong hi ngei dia, amah ah khovel a chichih vualzawl a om ding ahi. TOUPA lampi a zuih theihna ding un, a nunga a tate leh a innkuanpihte dik hih ding leh vaihawm ding thu a piak theihna dingin amah ka septa hi; huchi a a tungthu genpa TOUPA’N Abraham tunga a tunsak theihna ding in”

Hiai Laisiangthou ah Pathian in vualzawlna thupitak tang ding a Abraham tel ahihdan kigen a, tua banah a mohpuakna leng kigen hi. Himahleh hiai tegel kizopna kilang lou hi. Ke’n ka na theih ngeilouh ziak leng ahi thei.

Himahleh New American Standard Bible (NASB) ah “For I have chosen him, so that he may command his children and his household after him to keep the way of the LORD by doing righteousness and justice, so that the LORD may bring upon Abraham what He has spoken about him.” Chi in kilet hi. NIV leh version dang tam takah leng tua bang mah in kilet hi.

Hiai ah chiang mahmah tuh, Pathian in Abraham a vualzawlna thupitak, leitung a nam zousiah in a hamphatpih hial ding zah dong a thupi vualzawlna a piak tuh a ziak bang dang hilou in, ‘so that he may command his children and his household after him to keep the way of the LORD by doing righteousness and justice’ chih ana hilel tak ahi.

Hizahta a thupi vualzawlna pen a suan-le-pakte kianga Pathian thu a hilh theihna ding chih ana himai mah hi. Ahihleh eilawi in vualzawlna I tante khawng leng hiai ding a zat ding ana hi mahmah ding eive chih hon musak hi. Saptuam in naupangte sinsakna ding awlmohna ziakin nikum 2022 in biakinn tungah prefab hut/porta cabin bawl kisawm hi. Tua pen tawp thak in pastor quarter di biakinn kong mahmah a om Ideal Apartment ah flat khat kilei khia in zan in Pathian kianga latna neih hita hi. Pathian in naupangte’ laka nnasep ding hon piak sepna dia hon vualzawl ahi chih confirmation mu thak mahmah in ka kithei hi. Halleluijah!
Hiai inn leina ding a Pathian’ hon pi dan khenkhat taklang lehang:-

1. Pastor quarter ding inn lei ding thu a kigenkhakna sawtta himahleh thupukna lak leh chitak taka bohzui ahi kei. Himahleh tutung in bel, biakinn tung a porta cabin/prefab hut bawl ding chih thupukna omsa nawlkhin zen a thupukna bawl ahi. He makes all thing beautiful in His time.
2. Ideal Apartment Housing Society a kibawl tung apan in inn neipa kha member ana hi a, bang ziaka tu hun khelkhel a zuak nuam ahia chih I thei kei. Sorkar nnasem a huai apan pension ahihmanin kitanau bawl leh kitheihsiamna chikhat om a, kihouna khawng bang leng English ngen zang a kihou ahihmanin kithei khial chih omlou deuh. I know the plans I have for you, says the Lord.
3. Delhi khawnga inn leina ah circle rate sanga market rate a tamzawkna pen sumhul (cash component) a piak ahi tangpi hi. Hiai inn leina ah bel, tua bang kihih utlou a, 3 vei tak hiai thu kia genkhawm di’n meeting kinei hi. Ama’n income tax a liau ding bangzah hiam e’n piaksak in, diktat man a sen beh zek ngam in, sumhul a piak om het lou di’n kithukim thei hi. Seek ye first the Kingdom of God and His righteousness
4. Sum kipiak ding tengteng April tan a zohsiang ding in January 2023 in kithukimna kibawl hi. Bang ziaka April kichi hiam ka thei kei. Kha 1 bang zekai kha hi lehang, meiteite toh buai in hon lap dia, inn lei pen I paisuak zou kei maimah diam aw hon chisak mahmah hi. He who began a good work among you will complete it …
5. Headquarter apan in heutute’n a poimohna theisiam takin hon kalsuanpih uhi. Ditkik ding loan leh ditlouh ding grant bangzah hon pe ding uh hiam chih kithei nai kei mahleh inn neipa kianga piak ding pen amau apan in kimu hi. Open wide your mouth and I will fill it
6. Headquarter apan Mission department in Rs 50,55,000/- hon pia in, amau’ Dept poimoh guest room koihsak dingin hon ngen uhi. Ahitak a gen in, biakinn tung pen Mission Centre chi a I na puansa uh ahi a, guest room leng khat I nei a, poimoh hun in zin-le-leng kineitham hi. Lamet louhpi a sum-le-pai a kithuahpihna hon piak mawk un hon thathou sak a, ‘Kuan unla namchih apan nungzui bawl un’ chi a sawlna naksem a kalsuan ding ahihdan hon phawk thak sak hi. Your Father knows what you need before you ask Him.

‘So that he may command his children and his household after him to keep the way of the LORD by doing righteousness and justice’ chih tuh Abram, a khonung a Abraham chih a om in vualzawlna thupitak, midang kuamah in a tan louh uh vualzawlna, a tan nasan (purpose) ahihleh, e’n leng vualzawlna chi tuamtuam I tante uh kha hiai purpose sanga thupizaw a om tuan kei ding hi, chih phawk in, tua mah sepsuahna dingin zang lehang chi in hon vualzawltu tangtawn Pathian min in I kichial ahi.