Thumasa: Khrist’ sisan a tatsa A Saptuamte, GBC a pan i Toupa Jesu Khrist min in itna chibai kon buk hi! Tukum 2022 GBC Day, July 3 ah, i Pathian in honpi kai nawn ta, Amin phat in om hen! Munchih a GBC Day programme zang tengteng Toupa’n hon ompih chiat hen aw!
July 4, 1981, sun dak 11:00 in Board of Directors makaihna in Grace Bible College honkhiakna, Dorcas Hall, New Lamka ah Rev. Lalngaisang in nei hi. Tuni chiang in kum 41 mel muta in, GBC apan Bible zoukhia milip 1871 pha theita hi. Amaute lak a tamzaw te Pastor nnasem leh Missionary in kuan uhi. Tulel in membership hihna tuamtuam nei 2,987 om hi.
Thumna a i na phawk touh zel ding deihna in saulou in GBC tanchin i taklang ding:
Tulel a Board of Governors members anuaiate ahi:
1.1. Upa Dr. Lalzagou Neihsial, Chairman
1.2. Upa Dr.T.Nengkhanmang, Vice Chairman
1.3. Rev. Paukhanmang Guite, Secretary
1.4. Upa M. Ginzalian, Member
1.5. Upa M. Darneingam, Member
1.6. Upa V. Jamkhanmang, Member
1.7. Dr Khaizalian, Member
1.8. Ms Liankhoman, Member
1.9. Mr. Nengvanglian, Member
1.10. Mrs. Haubiakching, Member
1.11. Upa Dr. J.Son Go Kham, Member
1.12. Mr. Siamzading Valte, Member
1.13. Rev. K. Kamchinkhup, Ex-Officio
1.14. Rev. V. Nenglian, Ex-Officio
1.15. Rev. N.Thawndoulian, Ex-Officio
2.1. Rev.Paukhanmang Guite, Principal
2.2. Upa Dou Lamthang, on training*
2.3. Grace Ngaihvung, Co-ordinator MTC
2.4. Pauthianmuang, Vice Principal
2.5. Dr.Niangsangching, Academic Dean
2.6. Thangoumang Valte, Hostel Warden cum Asst. Games & Sports
2.7. Khawlbiakching, Asst. Chaplain
2.8. Lalbiakmuang, Lady Warden
2.9. Lalboi Kilong, Dean of Student
2.10. Mary Ngaimuanvung, Asst. Dean of Students
2.11. Khupmuanpao Manloon, Chaplain
2.12. Yumnam Naoba, Incharge Games & Sports
2.13. Elizabeth Paite, Asst. Practical Ministry
2.14. Christina N.Goungaihlun, Asst. Academic Dean
2.15. Chinkhenthang Guite, Registrar & Office Manager
2.16. Florence Vunglianching, Librarian
2.17. Kungbiaklun, Asst. Librarian
2.18. Upa L.Khamzapau, Clerk
2.19. Chinsuanlal, Computer Operator
2.20. H.Ginminlian, Jr. Accountant
2.21. T.Chinzalian, Office Helper
2.22. Paulianthang, Office Helper
2.23. Ginneilal Samte, Driver
2.24. V. Thangchinlun, Hostel Cook
Grace Bible College a kipat chil in Local dialect in C.Th. leh G.Th. sinna ana kipan hi. Kum 1993 a pan in B.Th. (English) sin theihna, leh kum 2000 apan M.Div. sintheihna, Asia Theological Association in phalna honpiak bangin pat ahi. Tuate ban ah 1992 apan in Saptuam kem Upa leh lunglutna neite’n a sin theih ding un Ministerial Training Course pat ahi. Pathian tung a kipahthu genna ding in a chil a kipan tutan (May 17, 2022) a GBC gahsuahte ka hon taklang hi:
3.1. Program/Degree
3.1.1. Certificate of Theology (C.Th) = 81
3.1.2. Graduate of Theology (G.Th.) = 73
3.1.3. Diploma of Theology (Dip.Th) = 90
3.1.4. Bachelor of Theology (B.Th) = 503
3.1.5. Bachelor of Biblical Studies (BBS) = 03
3.1.6. Master of Divinity (M.Div) = 431
3.1.7. Master of Theological Studies (MTS) = 11
3.1.8. Master of Ministry (M. Min) = 01
3.1.9. Ministerial Training Course (MTC) = 667
3.1.10. Training Certificate Awarded) = 11
Gawmkhawm = 1871
(*Tukum May 17 a graduatete toh sim khawm ahi)
3.2. Tukum May 17, 2022 a Graduate te:
Program/Degree
3.2.1. Master of Divinity = 23
3.2.2. M.Min = 01
3.2.3. BBS = 01
3.2.4. Bachelor of Theology (B.Th) = 19
3.2.5. Diploma of Theology (Dip.Th) = 02
3.2.6. Ministerial Training Course (MTC) = 66
Gawmkhawm = 112
GBC a member suahtheihna tuamtuamte leh, tutan (May June 24,2022,) a inntek leh deihsaktu i neih dan hiai anuaia bang ahi:
4.1. Special Patron @ Rs. 10,000/- apan atunglam pete = 181
4.2. Group Patron @ Rs. 5,000/- pete = 122
4.3. Individual Patron @ Rs. 2,000/- pete = 1480
4.4. Life Member @ Rs. 1,000/- pete = 670
4.5. Memorial/Anniv.Gift @ Rs. 500/- pete = 488
4.6. Annual Member @ Rs. 100/- pete = 46
Gawmkhawm = 2987
5.1. Naupang chawmna toh kisai tuni tan in, Rs. 500/- apan a tunglam pia mi 460 phata hi. Maban a hong puntouh zel lamet ahi. Pawlpi/mimal apan Naupangte huhna pia leng ki om sauhsauh hi. A kallak ah naupang chawmna piak hun mangngilh khak theih luat ahi. Sunzom theinawnlou chih zong om kha zekzek ahihna ah tu in Regular tak a pia 258 vel om hi. A na mangngilh kha i om zenzen leh Pathian min a kisa thak ding in i ki chial uhi.
5.2. April 1, 2021 – March 31, 2022, Last Financial Year sung a Naupang Chawmna a muh dia budget a i guan Rs. 25,00,000 ahi a, Rs.23,43,906 i kaikhawm zou hi. Hiai Financial Year sung in Covid-19 hipi ziak in hun sawtkuam Hostel kikhak a, i kaihkhawm in hon daih zou hi. Maban a Hostel a naupang 118 om thei dia gel ahi a, hipi hong veng a, hostel hoihtak a run ding hilehang i budget guan thak Rs. 25,00,000 in hon daihlou ding hi. Hostel a naupang chawmte khat tunga sen dan tangpi hiaibang ahi:
5.3. GBC student tengteng, niteng in sun refreshment (Singpi leh Sang) kipia a, Naupang Chawmna head apan kiseng ahihman in, tampi a senna hong kibehlap hi.
5.4. GBC a Naupang Chawmtu a i pan chiang in, Missionary dia kisakholte, Saptuam kemtu ding Pastor dia kisakholte leh Khamangthang matna nasep tuamtuam a sem dia kisakholte, chawmtute hikha i hihman in, Missionary thupitak hi ihi. Naupang chawmtu tamsem a kibehlap in, Mission Field te a Tuailai piangthak tamsem chawm thei zel lehang, training zou a amau field chiat a kiknawn a, nna a sep chiang ua, bangzah tak a gahsuah ding uh hiam chih i ngaihtuah leh, Missions nasepna gahsuah sem na ding GBC a abul pattheih ahi hon chisak hi.
6.1. Library volume naktak a khansak ding deihna in laibu tamtak leibeh thak ahi. Laibu i neihsa tengteng Koha Library Automation Software a entry bawlzoh ahi a, neih thakte leng kikhum tawm pahzel hi.
6.2. Tulel in studentte zattheih ding in Computer 14 leh OPAC (laibu zon awlna) 3, a vek a gawm 17 kikoihlel hi. Tuate ah free internet connection kipia hi.
6.3. Studentte laisimna panpihtu ding in library Computer te a internet i piak banah, amau mimal laptop a zattheih ding in free Wifi connection kipia hi. Student ten nakpitak in phattuampih uhi.
6.4. Library department te saina in studentte, a sinlai uh toh kituak laibute book grant tungtawn a piaktheih in omta hi.
6.5. College tuamtuam a sintu naupangte phattuampih ding lamen in Churachandpur Theological Library Association bawlkhiak ahi.
7.1. Boys Hostel Extension: Boys Hostel kidaihlouh ziak a Dormitory extension kibawl, zohsiang hita hi.
7.2. Girls Hostel Renovation: Girls Hostel Bathroom lemtang lou leh room khenkhat puahthak kul omte puahthak ahi a, zohsiang hita hi.
7.3. Wash Room: Main Building First Floor a Faculty Room attached in Wash Room (Toilet) bawl thak ahi a, zohsiang hita hi.
7.4. Staff Quarters: GBC a Quarters omlouh ziak in haksatna kituak zel hi. Tua ahihna ah BOG lemgel siamna toh anuaia bang in Staff Quarters bawl ahi:
7.3.1. Mercy Home tung pehtouh zohsiang theih in omta a, Quarters nih suah in, Office Staff nih in luahta uhi. Tu in Mercy Home nuai (Ground Floor) Warden leh Cook in luah uhi.
7.3.2. Staff Quarters (Principal leh Staff nih a ding) Sawng khat ding lamna pailel a, tukum 2022-2023 budget a guanzah apan lam zou nailou ding i hihman in, thumna ah phawk chiat ni.
8.1. 2021-2022 Budget Ceiling Rs. 1,73,90,000 guan ahi. Rs.1,61,57,549.50 i kaikhawm thei a, pilvangtak a zat ahi a, deficit lou in i kumkai thei hi. Hiaiziakin Toupa min i phat hi.
8.2. 2022-2023 Budget Ceiling Rs.1,82,90,000 guan ahi. Kumlui sang a tamzaw guang ihi a, Budget guan zah i kaihkhawm zohna dia thumna leh thilpiak a naksem a i panlak poimoh ding hi. Toupan thummi tamsem leh pemi tamsem hon piakna ding in ngen ni.
Khovel paidan kikhek hat mahmah in, sum-le-pai saidan kikhek, siamsinna dan offline leh online leh Video Conference chihte hong kizang in, thuthak leh a tuamtuam hong om touzel maituah thei ding a kalsang tawi a, GBC dop sangtouh poimoh ahihna phawk in BOG in ‘GBC VISION 2050’ hon bawlkhia hi. Vision document Framework draft kibawl, etkai tuak omlai a theihte etkai phot lai ahi hi. Huan M.Th pat theih a hihna ding in study kibawl lellel hi.
GBC Graduation Service, EBC Khawmpilian toh kizom, December kha a i neihzel pen, kum paisa 2020 a kipan May kha sung in kizang panta hi. Aziakbel, Grace Bible College in kum khat a Admission nihvei i neih zel pen, ATA VET deihna bang in khatvei neih hita hi. Huaibel, student one-in-take (Admission kumkhat a khatvei ki bawlta) ahihnung naupang te’n a vek un Spring Semester, May kha in hon zouta ua, College dangte paidan toh hong kituak a hihna ah May kha in Graduation Service kizangta hi.
Tukum in May 2-6 sung Semester Examination neih ahi a, Commencement Service May 17, 2022 in lohchingtak in kizang thei a, Graduate 112 om hi. Pathian min i phat hi.
Tukum June 10, 2022 a Academic Year 2022-2023 opening service programme neih ahi a, Student 169 kinei hi. Lohchingtak a hon zoh chiat theihna ding un thumpih ni.
Thukhitna: Pathian leh heutute hon sehna bang in Principal mohpuakna January 11, 2022 in ka la a, chitlahna tampi toh tukum GBC Day tan Pathian ompihna tang in ka sem zom theizel hi. Kum bullam in Covid-19 in hon nawngkaisak kha zek mahleh, tuchiang in ngeina dan in class neih theih in omta a, kipahhuai lua hi.
GBC a seppihte, BOG, Faculty leh Office Staff te’n lungsim munkhat in thanuam, taima leh thazohtak in sem chiat ua, nasep nuam in lamzang a, hon thathousak mahmah hi. Malam kalsuan zelna ding leh hoihzaw dia i lamet te College in amah kia a semkhe zoulou ahihna ah, EBC Headquarters level, Division level leh Local level a i pankhawmnate leh kithuahpihna khut taklam non piak zelte un hon hanthawn in, tha hon guan a, lungmuanhuai i sa mahmah hi. Maban ah thumna toh naksem in panla tou zel ni chi in Toupa min in i kichial hi.
A vualzawlna tamsem dong a, tamsem pe thei zel ding leh, tamsem semkhe thei zel a, a vanzat manpha sem hiding in Toupa’n hon ompih chiat hen aw! Hiaitan hon pitu Toupa kia in thupina, pahtawina leh minthanna tengteng tangta hen! Hallelujah!
Khrist a na seppih uh,
REV PAUKHANMANG GUITE
Principal
Grace Bible College
New Lamka – 795006, Churachandpur, Manipur
