COVID-19 Veite Inn Ah Bangchi Ki-Et-Kol Ding Ahia?

(Covid vei ziak in Damdoi-inn pai teitei ngai pahlou hi. Ei-le-ei ki-etkol theih luat hi. Huaiziakin, poimoh teng gelh kim zoh ding hikei mahleh, a tangpi teng tomkim thei pen in k’on gelh tei hi).

Hiai article gelh ahihtan (Jan 11, 2022) in, Omicron treatment ding guidelines tuam solkar apan in om nailou hi. Huaiziakin, a nuai a kigelhte zuih theih veklai chihna hi.

State tuam/ Hospital tuam dungzui in Covid treat dan (protocol) chi tuamtuam om hi, himahleh a tangpi’n kibang vek hi.

Nak haksa nei, signs & symptoms serious neite bel hospital zot pah ding ahi. Inn a ki-enkol dingte tuh Covid vei himahleh, a lellou (mild case) te a ding ahi.

I. Damdoi leh nek ding dan:

• T. Azithral 500 mg: Nikhat in tang khat. Nitaklam annek khit. Ni 7 sung nek ding ahi.
• T. Ivermectin 12 mg: Nitaklam annek kham in tang khat nek ding ahi. Ni 3 sung.
• T. Zincovit: Zing annek kham in tang 1 nek ding ahi. Ni 14 sung.
• T.Vitamin C: **Zing annek kham ah tang khat nek ding ahi. Ni 14 sung.
• T. Pantop 40 mg: Zingkal annek ma, gil hawm lai in tang 1 nek ding ahi. Ni 7 sung.
• Cap Lumia 60K/ Vit. D3: Kal khat in tang khat nek zel ding ahi.
• T. Montek L.C.: Naptui tolh, allergy, chithak, hahthiai chihte omleh nek ding ahi. Nitaklam annek kham in tang 1 nek ding. Ni 5 sung nek ding ahi.
• Dolo 650/ Paracetamol: Khosik chihte omleh nek lel ding ahi. Annek kham/gilvah laitak a nek ding ahi, tang khat zel.
• Betadine gargle: Gawl khuahna ding ahi. Ni khat in 3 vei khuah zel ding ahi.
• Alex cough syrup/khuh damdoi: Ni khat in thumvei dawn ding ahi.
• Remdesivir damdawi mawk pat ke’n. Doctor dot masak teitei ding ahi.

II. Steam Inhalation (Tui hu nap ding): **Ni khat ah 3 vei tuihu nap gige ding ahi.

(A suisuah dan un, tuihu nap gige in Covid-19 natna tuamtu (capsid) hihse thei hi. Tua ziak in natna kaai ding vengthei kichi hi)

III. Pulse oximeter:

Oxygen saturation 95%-100% normal hi. Ni khat ah 3 vei tan bek check gige ding ahi.

IV. Nek-le-dawn:

• Proteins tamna thilte hah nek ding ahi. Aksa, bawngsa, vatawt, ngasa, seafood, aktui, bawngnawi, dahi, cashews nut, mai tang, sunflower tang, be tang leh a dangdangte ah tam hi.
• Bawngnawi dawn gige thei leng hoih ding hi.
• Ni teng in aktui pum 2 bek nek gige ding ahi.
• Tui tam theilam dawn ding ahi. Luak suak zen a bel dawn ding hilou. ORS/ ORL tui dawn leng phatuam mahmah ding hi.
• Thau lam (oily) nek kidek ding. Kidek ding chih hang a neklouh bilbel ding hi pahlou.
• Chi leh chini nek tawm ding ahi.

V. Covid-19

Covid-19 vei I hihleh covid thu toh kisai thilte apat kihep khiak phot ding ahi. Whatsapp message, TV, thuthang tuamtuam covid toh kisaite khawlsan phot a, lungsim a hoihlam kipia a, “Dam ding ka hi” chi a, positive tak a om hoih ding hi.

VI. A tangpi in Covid veite ni 10-14 sung in dam uhi.

VII. Tuap CT-scan chihte hih teitei ngailou hi, complain bangmah om keileh.

VIII. Na ki-quarantine sung in Bible, laibu, movies, article leh a dangdang nang hong su thathou ding thute sim inla en in. Sungkuante/ lawmte toh phone ah video call chihte’n psychological support hong pe mahmah kha maithei hi.

IX. Hoihtak in rest in. Ihmut kham sawm gige in.

X. Tele-consultation facility om leh innmun apat online in dot theih lel ding hi.

Q. Inn a ki-enkolte, bang chik hun chiang a patau leh damdoi-inn admit ngai hiam?

A: Hiaite om chiang in:

• Damlou SpO2: 93% sang a tawmzaw.
• Heart rate (lungphu) kin.
• Awm lak nasa ahihke’h nuamsalou (Chest discomfort).
• Lung mawk (mental confusion).
• Pau chianglou
• Khut leh khete hik melmul, khawphawklou.
• Mai/ Muk dup

Pathian in damna honpe ding ahi, chih thei gige in.

“Ngen un piak in na om ding uh”.