EBCC, Delhi Biakkhawmna program kizang tampi omte lak kum khat sunga Program poimawh mahmah khat tuh Mission Sunday Program ahi. Tualsung Upa Committee deihsakna leh thusiamna toh Missions Committee in hiai Program February kha in bawl zel a, manpha tak in a na kizang sek hi. Hun zat dan toh kisai in hichi bang mawng a zat ding chih a om kei a, himahleh Pathian in honpi dan hi a theih bangin program bawl a, na kizang zel hizaw hi.
Hiai Program poimohna bel gingtu mimal/pawlpi/ Saptuam in Mission(tangthupha) nasep na ah tan I nei chiat a, pankhak theihna dan leng I nei chiat chih taklatna hun bang hi a, tua nasep sem dia thathak lak hun bang na hi tuam deuhse hi. Tua banah hun paisa a Pathian pina etkikna hun bang leng hi a, hiai nasepna a I kihelna ah I lungtung na hiam chi a kidotna hun leng hi zel hi.
Hotdam a I omna tutpih mai dingin Pathian in hon deih lou a, ei tungtawn a Gospel (tangthupha) a paizawm zel tuh Pathian tangtawn thiltup (God’s eternal mission) ahi hi. Hiai nasepna ah I khawl mawk thei kei ding a, I khawl mawk leh kidik hetlou ding hi.
Tutung Mission Sunday Program hun in, Tangthupha puan zakna nasepna ah tamsem semkhe ding a kipat thak theihna kong tampi omte lak ah thumtu hiding bang, Missionary vaktu hiding bang, thilpiak petu hiding bangin I kipanthak kei di’a hia, sanggam it.
Hiai ahihman in, Pathian thupiak gol Tangthupha a paizom theihna dingin tutung Mission Sunday program kizang ah, Pathian aw ngaikhia in, sem di’a hon deihna bang - thumtu hi ding ahihkeileh thilpiak a pang ding dingin I kipan mai kei di’a hia?
Hiai Mission Sunday zatna tungtawn in Pathian in hongveh henla, dawnna banglam hiam a muh nei a, tua I muh bangbang semkhe ding in Pathian in Day zangtute honpi hen aw!
