Tuni in eimite nam dang teng sanga I manphat zawkna i hauhsak zawkna I USP (unique selling point) bangzah hiam a om hi. Huaiziakin midangte vualzawl ding thupha pia ding a nam hampha i hihlam kiphawk thak ni chi in thukup tamlou k'ong koihkhia hi.
1. Eimite za-a-za Pathian thu za a Lai Siangthou nei a na khangliante kihi hi. Leitung a Laibu manphapen, a kisunkhia tampen, a kizuakkhia tampen laibu in I hinkhua I khanlet dan I lungput dante a hon sukkhak minamte i hi. I hinna a thu manpha tampi chi bang ana kipawi tampi omnate i hi. Hiai thugousiah Kum 100 val i neih i muh toh khangkhia mite a dingin I maituah lel hiam I maituah ding haksatna omte in hong nuaisiah maimai theih vuallouhte i hihlam phawkthak ni. "We are born to be a blessing to nations" chih thei in kihanthawn thak ni.
2. Pathian thutak hinpihte I vai khempeuh tua thutakte pansan a kibulphuh a, pilna-siamna a poimoh leh akisam zahzah Lai Siangthou thute a kipan a zongkhiate i hihnak leh I gam i nam genlouh I omna mun i gamtatna mun teng ah Joseph leh Danial te banga midangte a dinga vualzawlna kihilel ding ahi.
3. India minam khat Parsite tawm mah le uh India gambup a dinga minam manphate ahi uh bangin, eimi te leng I gam a ding phet le hilou, khovel pumpi huap a mi manpha hi dinga tunglam akipan vang piak a om hamphatna a ngahte i hi.
4. Eimite leng tawm mahle'ng Manipur leh India a ding in milian mi manpha tampite ana kipatna kihita hilou hia? Tam sem hih lai ding i maban ahi.
5. Kum bangzahhiam sungin eimite tenna i khawpi khat Lamka ah college hoihpen a kigente, school hoihpen a kigente, University hoihpen a kigente, 'admin and governance' hoihpen model' omna, 'best governed district' chih khawng a chiamteh i hong hi ding hi. I biak Pathian hing thugente neulai apan a hinpih, I lai sinlai a phattuam pih, i sepna mun a hinpih, midang toh kisaikhakna peuha tua 'principle' zangtute i hih chiang in I nam manphat dan hong kilang semsem ding hi.
TANGTHUPHA TOH KITUAK HINKHUA EITE 'UNBEATABLE & UNMATCHED USP' ahi chih thei "TAK TAPA", "TAK-HEH" chi in panla thak ni le.
